الزواج التقليدي فاااشل - أم - نآآجح .. ؟؟؟

السلام عليكم ورحمة الله وبركاته



الزواج التقليدي له إيجابيات وله سلبيات
وكذا الزواج عن طرق التعارف <<لدى البعض
الزواج عن طريق التعارف
الشاب هو من إختار زوجته بمحض إرادته ودون تدخل من أي الأطراف
لا يشترط فيها أن تكون هناك علاقة قائمة فعلا بين الطرفين قد تكون عن طريق السمع
عن البنت من احد الأقارب الأصدقاء الأهل ...
في حين أن الزواج التقليدي تدخلت فيه الأم أو الأخت أو الأسرة بشكل عام وبعدها يوافق
الشاب على هذه الشابة أو لا و قد لاتكون كما يريد هو و إنما كما تريد من خطبتها له
زواج التعارف قد يفشل
حين تكون فترة المعرفة أو فترة الحب كلها أكاذيب و زيف
ولا تكون الصراحه قريبة الحدود
الزواج التقليدي قد ينجح وهذا الغالب وقد يفشل ايضا بسبب عدم الإنسجام
أو لسوء أخلاق الرجل أو المرأة وإختلاف الثقافة وهناك أسباب كثيره لذلك

في زواج الحب -التعارف - من الممكن أن يخطأ الحبيبان معاً فيتسببان في نهاية زواجهما
بعد الإرتباط نتيجة للشك أو لأمو غيره
في الزواج التقليدي الطريفين لايعرفان بعضهما البعض ولكن قد ينتهي الزواج بسبب خيانه زوجية
أو بسبب ماضي أحد الطرفين الذي لم يكن واضحا قبل الزواج
فإن ضَمِن أحد الطرفين أنه لم يخطأ يوماً فهل يضمن الطرف الآخر
او لعدم التوافق بينهما او عدم محبه احد الطرفين الاخر او مجرد عدم الإرتياح له ..........
ما راح ننتهي ابدا

ما رأيك الشخصي لا بنظرت المجتمع او حسب العادات والتقاليد
في الزواج التقليدي ، وهل يوجد حب بعد الزواج ؟؟

ـآنتظر آرائكم :64:

شوفي هو كله بيد الله عزوجل
اذا كاتب يعيشون بسعادهـ فهم كذالك
واذا كتب لهم يعيشون بشقاءفهم كذالك

بس هو أكيــــــــــــــــــــــــــد فيه
لو مافيه حب ماعاشو الى قبل
أبوي الله يرحمهـ كان يحب أمي و ماكان يعرفها قبل الزواج ولا شي
وعاشو مثل عنتروعبله^_^
أنا أقول فيه وكمان نآآآآآآآآآجح
هذا بنظري
والله يوفق كل أثنين نفر ونفر مع بعض
عوافي ياقمر

فديتك عسى ربي يرزقنااا الحياه السعيده يسلموو عسوله~

طبعا في مجتمعنا هذا مايمشي الا الحب التقليدي لان الحب قبل الزواج يدخل الزوجه في متاهات الشك والغيره ولا اعتقد انه سيكتمل
اشكرك ع ماطرحتيه هناا

صباح الخير ياعالم فوضى:tongue:

يلاندخل عالموضوع وناويه اخربها كويس :20: هع
لابجد حتكلم بكل صراحه وحقول وجهة نظري ..يمكن ماتعجبكم لكن يجب على كل عضو انه يحترم وجهة نظر الاخر..~
....

انا عن نفسي حتكلم عاللي بشوفه بأيامنا دي اكتر شي ..~
ومحقول شي غير لوكنت متاكده منه وشايفته .. أول شي بأيامنا دي صار الزواج اكثر شي وبقوه بعد الحب ..ولوجينا قلنا كيف حيعيشو وربي حيعشو احلى عيشه بعد الزواج اقولكم ليه لانه حيكون بينهم حب فتره طويله ويكونو فاهمين بعض وعارفين بعض كويس يعني الولد عارف طبايع البنت وكل شي فيها وكدا هوا اكيد حيكون عاجبه حيقولك هيا دي اللي ابغاها وكدا ..ومهما تحصل بينهم مشاكل وربي مستحييييييييييييييل يتفرقو يرجعو لبعض داااااااايما
لانه بينهم حب قوووي .. لكن اللي متزوجين بدون معرفه بعد الزواج البنت تكتشف انه فيه عيوب وفيه طبايع وحشه وغيره وهاتك يامشاكل وهاتك ياعوض هع
لابجد ومستحيل يكونو زي الاتنين اللي بينهم قصة حب وصح قلييييييل تنجح واكترها تفشل
بس لمن يتم زواج بعد حب وربي بتكون حياه احلى عارفها وعارفته فاهمها وفاهمته..
ولوجينا عالشك .. فالشك دا ماله دخل بالحب ترى دا شي مغروس بالانسان نفسه دا طبع فيه
ولواتزوج بدون حب برضو حيكون شكاك بكيف مايكون وربي ..وبعدين دا مريض اللي يشك في مرته..وبعدين حكاية الشك دي مايشك فيها الا لوكان ماشي عالغلط هوا حيفكر ان غيره بيعمل زيه وداااايما اللي يشك في اخته زوجته وغيره وربي يكون ماشي عالغلط وخايف يوقعو ويمشو هما كمان زيه ..دا الشكاك عموما .. ودا مرض من الاخر ..
وانا اعرف كتيييير متزوجين بدون حب وفيه شك قوي بينهم ومشاكل ماتخلص .. بذات بايامنا دي وربي من حق البنت تختار والولد يختار عشان بالاخر هما اللي حيعيشو سوا ولوماكانو فاهمين بعض حنشوف مشاكل ماتنتهي لكن لوانامختاره اللي مناسبني يتحملني ويفهمني وهوا زيي بالزبط وربي حياتنا حتكون غير مره ومافي حب بدون ثقه مافي حب بدون ثقه كداب اللي يقولك غير كدا ..وانا عندي ناس كتيره متزوجه عن حب وربي ماشاءالله عليهم عايشين تمام وطبيعي المشاكل لازم منها اصلا بس وربي تقولهم ابعدو عن بعض يتجننو عكس اللي ماخدين بعض بدون حب تلاقيهم كارهين بعض ومشاكلهم اقوى.. وبايامنا دي صارو البنات والاولاد يحبو يختارو هما ويعيشو على قصة حب الاول يعرفو بعض وبعدين لوكانو جاديين تتحول لزواج احنا حنتكلم عاللي حاصل وصاير محنتكلم دا غلط وغيره عارفين غلط لكن صارت المشاكل بقوه زايده والطلاق زايد والسبب الاختيار الخاطئ بيزوجو بنات لشباب ماتفهم طايشه والبنت بتدمر حياتها
البنت صارت تخاف يدبسوها اهلها في واحد موكويس وكتييير يقولولي بعد الزواج بيطلع فيه وفيه وتندم وهيا عيشي في مرمطه وعذاب ياحبيبتي .. لكن اللي يحبو بعض وربي مررره مابينهم كدا خلاص عارفين بعض فاهمين بعض ..ولاتقولو مشاكل المشاكل بين كل اتنين ولازم منها ..محد يستغنى عنها وربي ..لكن دي وجهة نظري انا

وماتكلمت من عقلي انا شفت كتير وربي من العيله عندي ومن

صحباتي وغيرو ..وقارنت كويس ودحين اللي عن حب هما

المبسوطين ..واعرف كتير اهاليهم مزوجينهم بدون اختيارهم

وبعد الزواج بشهر مرميه ببيت اهلها ليش..؟! يقولو الولد

طلع فيه وفيه وفيه ولاالبنت ماتبغاه ماناسبها ولاماتفقو.. اعرف
كتير بسني واكبر مني صاير معاهم الشي دا ..
والشك دا مرض ماله دخل بالعلاقه كيف ماكانت ..~


....

وبس كفاية كدا رغي ..وحنشوف وجهات النظر الاخرى ^_^



مشكوره حبيبتي عالموضوع الرووووعه



تقبلي مرووري


..

ههههههههههه

شقية يخرب بيتك ايش خليتيلي !

وربي مافي شي جيت اكتبه الا لقيته في ردك

ماشاءالله عليكي عيني عليكي تلجة هع

وبجد اوافقك وبقوة

انه الشكاك دا شي فيه هوا من قبل الزواج .. وبيكون ماشي بالغلط ومفكر الناس كلها زيه


..

معذبتهم

يعطيكي العافية

طرح أكثر من رائع


دمتي لنا

بأختصار ,,
تقليدي او عن قصة حب...ما بتفرق ...الزواج بيكون ناجح اذا فيه "تفاهم" بين الطرفين!

^ ^

صح كلامك اهم شي التفااااهم ماتفرق اذا كان عن حب اوغيره

اذا كان زواجهم تقليدي ومتفااهمين والمووافقه على هالزواج من الطرفين

راااح يعيشوووون احلى عيشه ....

يسلمووو يالغلا على الطرح الناااايس ..

موضوع جميل وشيق

وصار فيه الكثيييييير من الكلام ووجهات النظر والمناقشات في القنوات التلفزيونيه والصحف والمنتديات

ومن وجهة نظري التوفيق بيد الله فما عليك اللا ترفع يدك لربك وتطلب منه الزواج الكريم

واللا أقلكم خلونا كدا من غير زواج أحسن *_*

معذبتهم >>> عذبتينا بهالموضوع

تسلم أناملك على روعة طرحك

تحياتي ومحبتي

صراحه كثير تزوجوا زواج تقليدي وماشاءالله عايشين احسن عيشه ويحبون بعض
ترى لو في الاول ماحبوا بعض راح يتفاهمون ويحبون بعض .......

ومشكوره على الموضوع الرائع

[glow=000000]

السلام عليكم ورحمة الله وبركاته
موضوع رائع ذو اهمية
كيف تحكي تقليدي وحب !
حرام ان كان تقليدي ولا حب بلنهاية التفاهم القدوة بلحياة
قسمة ونصيب سواء عن حب او عن طريق الاهل
الزواج التقليدي عذابه سنة فقط للتفاهم والانتماج وتفهم كل من الاخر
والحب بيعرفو تفصيل حياتهم وخالصين
لكن لا تنسو الخطبة هو يلي بينقطع او يكتمل للزواج هو للتعرف لدى الطرفي على بعض

وتحيااتي لكم

شمس الاحلام
[/glow]

رآي الحب قبل الزواج افضل بكتير بعد الزواج
لان قبل الزواج بتكون فاهم البنت وهي فاهماك
شكرآ يالغلا ع الموضوع