ياحلم وين المشكلة لو تحققت

بسم الله الرحمن الرحيم ..

السلام عليكم ورحمة الله وبركاته ..




كلنا نحلم ولنا طموحات .. نعيش بالخيال ونبني قصور من سراب ..

ونحـــــــآول نحول الحلم لواقع ملموس .. والقصور تعمر فينا..

ندرس ونشتغل ووووو ..

كله في سبيل تحقيق الحلم ..



لكن ..!



الحلم لو ماتحقق وش نسوي ..؟

كثيرا ما اسمع عبارة ..



( ياحلم وين المشكلة لو تحققت )


توقف الحياة لو ماتحقق ..؟



ناس بصرآحة توقف حياتهم هنا ..

والدنيا ماشية ماتوقف لاحد ..

وناس تمشي بطريق ثاني ..

وكأن شي لم يكن ..

( ياحلم وين المشكلة لو تحققت )

استوقفتني هالعبارة كثير بالتواقيع والتوبيكات ووووو

تحمل ألف معنى ومعنى ..

( ياحلم وين المشكلة لو تحققت )

المشكلة وين تكمن ..؟



فينا ..؟

ولا بصعوبة الحلم ..؟



الحلم ربي هو الي يحققه أو يصرفه ..

ربي اهون ماعليه تحقيق احلامنا ..



جاعل النار برد على إبراهيم والبرد سلام عليه لايؤذيه ..

( ياحلم وين المشكلة لو تحققت )

ويمكن المشكلة فينا ..!



أكيد اننا مقصرين ..

يا إما اننا ما درسنا صح أو ما اشتغلنا صح
باختصار ما اهتمينا بتحقيق الحلم صح ..



أو اننا قصرنا بجانب ربي وعاقبنا بتحقيق الحلم ..

( ياحلم وين المشكلة لو تحققت )

هالحلم لو تحقق تضمن حياتك بتكون سعيدة ..؟


طيب لنفرض انه تحقق ..



وقتها ......!

بتكمل احلام وطموحات ..؟

ولا تكتفي بالي حصلته ..؟



يمكن ربي كاتب لنا كذا عشان نشتغل بانفسنا اكثر ..

أو انه راد عنا سؤ ..

( ياحلم وين المشكلة لو تحققت )

الحلم .. يتبعة حلم ..

والايام تجري بلمح البصر ..

لاتاخذكِ الايام وانتِ واقف تتحلم ..

الي مايصير اليوم بيصير بكرآ احلى منه ..

الاهم ..

نكون بربي واثقين .. ومهما يهمنا الحلم نطلب ربي الخيرة ..

كثير احلام تحققت وكانت بلاء على صاحبها ..



كثير نسمع ونشوف ناس كانوا مرضى ويتمنووون الشفاء ..

ولما أشفاهم ربي بارزوه بالمعاصي ..

ومني لكم مثل ..



اختكم ..... ..
أمنيتها تدخل فيزياء ومن كثر الهم ماجبت نسبة ..

وبعد ماجلست بالبيت فترة سجلت بجامعة الامام بدون رغبة جازمة بس كان قسمي من ضمن رغباتي بس موب مرة ..

وبقوووة نفسي بالفيزياء ... بس لما تعمقت بالقسم حمدت ربي من قــــــلب على اني ماجبت نسبة ودخلت فيزياء ..

آستفدت كثيييييييييييييييييييير اشياء مستحيل اتعلمها بالفيزياء..

اقل شي تعلمته ..

الصـلآة .. وهذا اكثر شي خلاني اصر اني اكمل بالقسم ..

طلعت نص حركاتي بالصلاة خطأ ..

اذا صلاتي خطأ وش بقى ..؟

والحين الحمد لله قربت اتخرج والحمدلله ( ان الحلم ماتحقق )



بالاخير ..

أعتذر عن طول الموضوع بس كثير هالموضوع اثارني ..

اطلبوا ربي الخيرة في كل شي ..

دراسة زواج سفر شغل ..........!

عقولنا تقتصر عن علم الغيبيات لذلك نسال عالم الغيب ان يحقق ماله خير لنا ويصرف مافيه شر علينا ويرضينا به ..


ودمتم بود
منقول لعيونكم

فعلا كلنا نحلم وهذا ليس عيب ولكنه
يظل عندخالق السماء هو عالم به ويحققه متى شاء
ليس غريبا تالق ماتختاري وما تضعي
دوما مميزه ف العطاء
تقبلي مرور اختك دفا

تسلم أياديك يالغاليه

روووووووووووعه

دام أبداعك وتميزك

ننتظردائما جديدك

تقبلي مروري المتواضع وخالص ودي

مبدعه يالغلا
وتسلم يمينك على الموضوع الاكثر من رائع

طرح رائع بكل المعاني وفقك الله

[glint]
يعطيكـم العـــافيهـ على حـــضـــــوركـم المتواضـــع ..
[/glint]