ليتك تّمر
اتشوفني
وتسمع كلامي للأخير ..
ابختصر كل الحكي
وابختصر فيك الجُمل
واقول قولاً مختصر ..
( ليتك تْمر )
اتشوفني
ضايع على حدود الورق
بين الحقايق والوهم
وقت الالم
بين الهوامش والقلم
واقف على اخر سطر
بين المضارع والامر
بلى امل
عايش على ليت وعسى
ليتك تْمر تشوفني
وقت السحر
وقت الفجر
وقت الضحى
وقت العصر
وقت الشروق اللي انمحى
وقت الغروب اللي استحى
سهران ...
افكر انتظر
واقول في نفسي يمر ..؟
يمكن
يمر يشوفيني
كيف انتظر
كيف انتحر
كيف احتضر
وكيف اختصر باقي العمر
وكيف الصبر يصبح قبر
وكيف الخناجر تعتذر
وكيف الصدر يصبح قدر
لطعون وجروح وغدر
ليتك تمر اتشوفني
بين الحقيقة والالم
وسط الوهم
بذاك السمو المتهم
اللي بنيته من عدم
اللي بنيته وانهدم
ليتك تمر
اتشوفني ..
كيف اذكرك ..
كيف اكتبك ..
وكيف انسج حروفي بدونك مو معك
وكيف الحياة تمرني
وانا بدونك
اجهلك
وكيف اسئلك
عن صحتك
عن روحتك
عن جيتك
عن اجمل ايامي معك
يوم كنت اضمك
واحملك
يوم كنت ابوسك واحرجك
واشوف فـ عيونك
خجل
واشوف في ذاك الخجل
ذاك الاجل
اللي يزلزل وقفتي
وليتك تمر اتشوفني
او ليتني
اقدر امرك واسئلك
متى تمر وتشوفني ...
