- وش سيارتك وشنو لونها..؟
كورولا 2010 .. اسود ..
- نوع كفراتك..؟
مافهمت نوع كفراتك ..
- تحب االتعديل..؟
لو معي هايلوكس او ربع .. هــع ..
- اذا نعم وش عدلت فيها..؟
---
- قد صبغتهاا..؟
لا ..
- اخر مرة غسلتها..؟
قبل يومين او ثلاثه ..
بدايتك في السواقه..؟
اوووه الله يذكر ايام بداية السواقه بالخير ..
تعلمت في ديرتنا .. ايام المتوسط ..
- من علمك السواقه..؟
الوالد الله يحفظه ..
- اول سياره سقتها..؟
ددسن 98 .. هـع هـع ..
- اول سياره لك ..؟
صني 2002 ..
- وش المكان اللي اول مره جربت السواقه فيه..؟
ديرتنا { سدير } ..
- اول سفره لك بالسيارة ..؟
من الرياض لـ سدير ..
- اول حادث صار لك "الله يكفيكم شر الحوادث" ..؟
على الصني 2002 .. فحطت بها وصدمت في عقم .. واحترقت يدي .. ماادري وشلون احترقت .. يامن ( الاير باق ) ..
او ( الاديتر ) ..
- اخر مرة فحطت..؟
منذ مبطي .. هع هع ..
- اول مخالفه..؟
قطع اشاره ..
- دخلت التوقيف..؟
لا ..
- اذا اي وش صار وش سوت امك وش قالك ابوك..؟
---
ما هي ردة فعلك لو << هنا نبي المواقف
- لو شفت احد يحك سيارتك بمفتاح..؟
احك وجه حك اذا كنت شايفه ..
اما لو ماشفته .. مانقول الا الله يحك راسه في مروحة طياره .. تخلي راسه يطير 20 متر فوق الارض .. :40:
- قمت الصبح ولقيت الزجاج مكسور والمسجل مسروق..؟
المسجل هين تلقاه الحين بـ 250 ريال ..
اما الزجاج الله يعين ومالنا الا تصليحه ..
- صدمك واحد وانحاش ..؟
والله لـ الحقه لين اجيبه .. ولا احده اخليه يرقى رصيف ولا يصدم ..
هذا يحسب سيارتي لعبه .. :62:
- صدمك واحد ونزل متشقق يضحك..؟
هذا يقعد اصطر فيه لين يعرف ان الله حق .. :20:
- اذا واحد ركب معك السيارة وغثيث ونزل وردع باب السيارة.. ماشعورك..؟
وش نسوي الغثيث غثيث ..
- ركب معك واحد وانت توك مغسل السيارة وقعد يفصفص حب..؟
اكلمه واقول له .. اني اليوم مغسل السياره وماابي احد يوصخها ..
واذا عاند .. مالي الا انزله .. :44:
- ركب معك واحد مسوي فاهم ويعلمك مثلا يقول امسك اليمين لا اليسار ..؟
هذا بنزله في { النفود } وخله يقول يمين يسار على نفسه ..
- ركب معك واحد ملقوف يلمس ويفتح ويحوس الاشرطه ويكب الطفايه واذا وقفت عند
الاشارة يفتح ويصك .. توقف وتنزله من السيارة .. ولاتقول حلم الله وسيع وتسكت له..؟
الملقوف ملقوف .. مايتغير ابدا ..
احاول اني اتحمله ..
اسئله الاحاسيس والمشاعر
- وين توقف سيارتك فيه..؟
داخل البيت .. واحيانا برا البيت .. :biggrin:
- اذا داخل البيت كل هذا خوفاً عليهاا ولا مافيه مكان جنب بيتكم..؟
والله خوف عليها .. :LolLolLolLol:
- شخص ودك دايم يركب معك قدام..؟
الكل ودي انه يركب معي .. :18:
- اشخاص ودك دايم يركبون معك..؟
8
- لو جا احد وطلب سيارتك بيروح فيهاا مشور صغينوط تعطيه أو لا..؟
اذا انا واثق فيه .. وادري انه يعرف يسوق زين ..
ماعندي مشاكل اعطيه السياره ..:smile:
- اشين واحسن خبر سمعته في السيارة..؟
ولا شي .. :57:
- وديت سيارتك للصيانه وتاخرت .. وش تسوي ونت عايش بدونها..؟
الان هي في الصيانه ..
والعيشه بدونها والله ملل ..
- بنروح رحله بسيارتك من تختار من الاعضاء يركبون معك..؟
الكل دون استثناء ..
بتطلع رحله خياليه ..
- من المغني الي دايم بمسجل السيارة ..؟
فيه كثير .. منهم :
خالد عبد الرحمن , يوسف شافي , فارس مهدي ,
عبد المجيد عبد الله , فهد الكبيسي , عيسى الكبيسي ..
- من رفيقك وونيسك في مسك الخطوط ..؟
والله فيه كثير منهم :
سنبل , بندق , حمامه , سيسو , فيفو , ابو خلف .. :17:
- سياره تتمناها.. وسياره ماتحبها..؟
مافيه سياره اتمناها .. الوضع عندي عادي جدا ..
ومافيه سياره مااحبها .. يكفي انها سياره ..
- كلمه توصف فيها سيارتك..؟
اعز واوفى واطلق صديق ..
,, وانتهينا ,,
بالنسبه للجزء العملي .. فما مااظن اني اقدر اجيب لكم الصور ..
لان جهازي مافيه بلوتوث بعد ماسويت له الفرمته اختفى البلوتوث .. هـع هـع ..
حتى وصلة الجوال للجهاز غير متوفره .. :biggrin:
ان قدرت جبتها لكم ,.,
وان ماقدرت اعذورني ياحبايبي .,.
تحياتي .. ~