طوينا صفحه الذكرى على خد الهوى المجروح
على حد الزمن ناقف نعزي حبنا فينا
على كف الندم نبكي ويبكي حبنا المملوح
بكينا حظنا العاثر وجمرة الحزن يكوينا
مسافه الجفا تكبر ويكبر جرحنا المفتوح
وبين الدمع والعبره اشوف الهم يدعينا
قتلنا لحظة الفرحه مع اللحظه تموت الروح
نعزي حالنا فينا ولا ادري مين يعزينا
بكا ليلي مع دمعي وانا عبره تجي وتروح
بكينا جرحنا ينزف ظلام الحزن كاسينا
ذكرت الموعد المنسي لقيتك حبي الممسوح
هناك الشارع الموحش ظلامه حيل يشقينا
انا في داخلي صرخه انا في دنيتي مجروح
مسافه بيني وبينك دروب الحزن تطوينا
انا مات الامل فيني انا فيني يزيد النوح
على باب العتب ناقف نعاتب حب ماضينا
ذكرت الليل يوم انك معي عذبه وهرج ومزوح
على خدك قمر سامر نناجيه ويناجينا
وهذي صفحه الذكرى طويناها حزن وجروح
نهاية دربنا المظلم بكينا له ويبكينا
