حفز نفسك بنفسك

اختلف العلماء في تعريف الحوافز شكليّاً، إلا أنّهم اتّفقوا في مضمونها، فعرّفوا الحوافز بأنّها (مثيراتٌ تُحرّك السلوك الإنساني، وتُساعد على توجيهه نحو الأداء المطلوب، عندما تكون هذه الحوافز مهمّةً بالنسبة للفرد)، وقيل: إنّها ما يُقدَّم للفرد من مُقابل ماديّ أو معنويّ؛ كتعويضٍ عن أدائهِ المتميّز. الحوافز مهمّة لمختلف فئات المجتمع من أفراد، ومُدرّبين، ومؤسّسات، فتحفيز العاملين وتحميسهم من أهمّ عوامل النجاح.

عناصر التّحفيز
تتمثّل عناصر التّحفيز فيما يأتي: القدرة: بحيث يكون الشخص قادراً ومؤهلاً على القيام بالسلوك المطلوب، والذي من خلاله يمكن تحسين العمل إذا تمّ تحفيزه، بخلاف الشخص غير المؤهَّل. الرغبة: هي رغبة الفرد المحفَّز في الوصول إلى الأهداف الموضوعة وتحقيقها، وإذا لم تكن الرغبة موجودةً لدى الفرد فإنّ فرصة النجاح تكون قليلة. الجهد: هو الذي يشير إلى الطاقة المبذولة والوقت اللازم لتحقيق الأهداف الموضوعة؛ فالطاقة وحدها غير كافية لينجز الفرد ما هو مطلوبٌ منه، بل يحتاج الوقت الكافي لذلك.

1 – حدد هدفك
مفيش شخص على وجة الأرض ملوش هدف هيكون سعيد فى حياته ومتحفز طول الوقت , حدد هدفك وساعتها بس هتحس ان وراك حاجه عايز تعملها وضميرك بيأنك لو معملتهاش

2 – ابعد عن الأفكار التشاؤمية
على الرغم ان المخ معقد جدا , الا انه بيقول حاضر على اى أمر انت بتديهولة , فإنت لو قلتلة انا غبى , هيكتب أنا غبى , ولو قلتة انك هتقدر برضه هيسجل انك هتقدر , علشان كده ابعد عن الأفكار التشاؤمية وفكر بإيجابية

3 – غير الروتين
اوعى تتحبس فى دوامة الروتين , اعمل فى كل يوم حاجة جديدة , واتعلم حاجه جديدة

4 – اوعى تخاف انك تغلط
انت كل اما تغلط اكتر هتتعلم اكتر , بس على الغلطات اللى بتعملها على انها تحديات , ويعنى هو انت لو غلطت هيحصل ايه يعنى ؟؟! , حتى لو الناس ضحكت عليك , فإنت لسه بتتعلم وهم عارفين كده كويس , ويعنى وهم بيتعلموا مغلطوش ؟؟

5- خلى حياتك سريعة
اسمع موسيقى تحفيزية _ العب رياضه _ روح السينيما واتفرج على افلام تحفزك

6 – غير دائرة معارفك
يعنى اتعرف على ناس نجحوا وغيروا حياتهم , الصديق الناجح بينجح الناس اللى حواليك وبيحفزهم حتى ولو بطريقة غير مباشرة

7 – قسم مهامك
متخليش اللى وراك مشاريع كبيرة هتاخد وقت طويل , قسم مشروعك لمهام صغيرة متاخدش وقت وساعتها كل اما تخلص مهمه منهم بسرعة هيديك طاقة تحفيزية انك تقدر وساعتها تبدأ فى اللى بعدة

8 – نظم وقتك
تنظيم وقتك هيخليك تنجز فى يومك كتير وهيديك رضا عن نفسك , واللى هيحسسك انك ماشى فى الطريق الصح

9 – دلع نفسك
لو خلصت تاسك عليك كافئ نفسك بأى حاجه زى خروجة مثلا او شيكولاتاية , صدقنى هتحب نفسك اوى

10- حاول تزود ثقتك بنفسك
الثقة بالنفس ليها عامل كبير جداااا فى التحفيز وانك تقدر تنفذ الأهداف اللى معاك لو حطيت الموضوع فى دماغك

11 – تأمل
التأمل بيدى للجسم استرخاء وتصفية ذهن رهيبه , وساعتها ممكن تفكر فى اهدافك فى وضوح , وكمان تفصل شوية علشان عقلك ميتعبش

12- الإعلان عن الهدف المراد تحقيقه
الحقيقه برضه ان الإنسان جبان , وانت لما تقول على هدفك هتتكسف انك متعملهوش والناس تضحك عليك فلازم هتعملة يعنى هتعملة

13- النية
انوى النية دى لله , و إستعن بالله , واطلب من ربنا انة يساعدك وان شاء الله ربنا مش هيخذلك