وعذابي منك يافرخ الحمامه
تركي الجمرة على الضلع القصيّر
كني اللي عجلت امه فطامه
وارضعت قدامه اخوه الصغيّر
اذكر اللي خصني باول غرامه
عنق ريمٍ من هل الصيد امتذيّر
واصفق الاصباع واطش العمامه
واتنهت واتوجّد واتغيّر
ياسقى يومٍ كمل ذا اليوم عامه
الوصل مسموح والمسيار اسيّر
اتقهوى شوفته واقدع كلامه
وينتقي لي من كلامه ويتخيّر
جعلني فدوة هذيك الابتسامه
لااغتشت وجهٍ مليحٍ. حلو. خيّر
عبدالله اللحيم
