-
ياليلي والحزن حبر المفارق . . واللقا دفتر
تعب يرسم مرآسي للحياة . . ومات به مينا !
كتب ربي علي [ أطش ] نومي للسما . . وأسهر
قبل لا اجيك انا واطفال حبك . . ثم تبكينـا !
تبخّر حلمنا : شوفه سحاب فراقنا ممُطـر
سقى نخل الهموم وطاح تمره في أراضينا !
انا وأغلى ثلإث سنين فيني كم لنا . . نشعـر
طفى ضي الحنين ومات طفل . . الإسئله فينا !
من أول حينا / تربة شقانا / صبرنا الإكبـر . .
مآذن صمتنا / طوفة أملنا / باب أمانيا !
خذتنا ريحّ صدك للتغرب والبعـاد . . المّر
تكرم أذان سمع المـدى صوتك . . ينادينا !
وقفنا . . وابتدا ساعي بريـدك بالضياع يمر
لقينا الذكريات وصورة الإيام . . تعنينا !
كبرنا حسرة ومالت عذوقّ أشواقنا . . اكثر
تولآها الزمن قبل الحصاد . . ومات ساقينا !
حرام يضمنا البـرد في [ وادي مقفر ] . .
حرام نضيع في درب أحتياجك . . ما نلاقينا !
حرام أنطير أصوات الرجا ونعيد . . ونكرر
ولا نلقى سوى كفوف الصدى تخنق . . رجاوينا !
تشح وينثني من سدرة أيامي غصن . . أصفر
وأنادي يابعادك في بعادك شوف . . جافينا !
أنا واغلا ثلاث سنين فيني لو بنفسـر . .
أذا نمنا على جمر أنتظـارك من . . يصحينا !
- 004 -
