- لكن ما لقيت !
أضويت لك أهداب عيني . . ورحت : (
لكنّك بقيت . .
تاخذ من أنفاسي " سوالف رعشتي " . .
وتزرعني للذكرى صور
و تنبت لك غصوني عتاب !
فاتت
وأنا ما فاتني إلاّ الوجع !
والليل ما شكّل مطارحنا أبد
والهاجس اللي راح مع روحتك
- ما طلّ ورجع -
فلّ الجناح وطااار ، طار
طار وخذا معه : المدى
وأشياء ما تحصى ، كثااار
وأنا يديني أطول من العُمر
و ’ أكمامي قصار !
- شفني أنادي للسما
وأتشكّل لصوتك سحاب !
شفني إلين الحين أفتح للقا مليون باب
وما أجيك !
وأكذب عليك إن قلت لك
ما أوقّف الساعه أحتريك !
لكن تعبت
وهاك قلبي إبيّضت أطرافه وشاب ..!
http://i35.tinypic.com/xkq5hc.jpg
http://i34.tinypic.com/f22ale.jpg
الموت أبطى.. أمانه شوف لي صرفه !
من منّنا !؟ - منّنا
. . . يقدر يخلصنا !!؟
جيتها ماشوفها ، من دمع عيني !
أشتكي دنيا قست - مايوم لانت !
قلت مدري وش أبي
لكن عطيني !
وامسحت دمعي وقالت :
أص هانت !
يا حزنها !
رتّل معي تنهيدتي لاجف ّ فوقي مزنها !
و اغفري للشاعر المنفي حنينه ..
لا ارتعش وحده ورى حزنه .. ونام !
من رحلتي هذا هو - الله يعينه !
يشتكي ب دموع عينه ’ للحمام !
مالمحتي " آهته " وانتي ..حزينه
ماقريتي داخل عيونه ، كلااام !
لاتروحي !
باقي .. ماجفّت جروحي !
لسه باقي بي .. تعب
لسه باقي بي .. ألم
- اي نعم !
ذي عيوني .. بس دخيلك !
وش تشوفي ..؟
مالمحتي فيها خوفي ؟
أذكر إني قلت مره :
. . . لاتخافي ،
والله إني لجل عينك
ل امشي فوق الجمر - حافي !
ياأمل طيّب ، ووافي ..
بسّ لو تدرين :
وشّ سوى الحنين .. والأنين ,
وهمّ وسط الروح ’ غافي !
كانت القمرا هِنا .. وأنتي هِنا
و كانت الدمعة تجي .. كل ماتجين !
مو سؤال إن قلت حنّا ، أيّنا !
وايّنا حنّا !؟
وحنّا ... من حنين !
يا أول من يمر الدمع ب أهدابي !!
ياآخر من زرع "تنهيدة " .. آلامه !
تعال: ارسم ملامح ضحكه ل نابي
وخذني ل صبح :
ضاعت جرة اقدامه !
ماسألتي ليه اموت الفين مره .. لاطريتك !
وليه احس القلب يطلع !
بسّ .. لامنّي بكيتك !؟
وليه أنا :
أفنيت عمري .. فدوة لعيونك !
وجيتك !
ماسألتي .. ليه يعني !
وكل طاري هم ْ من بعدك تبعني . !
يمكن إن قلبك .. نساني ..!
أو يمكن ... ماسمعني !
إييييييه والخالق .. " أحبك</B> " ..!
وين أودي وجه صبري ..
لابكى فيني ، حنانه !
وكيف اسليه ب غيابك ؟
وأنا احس إنه بصدري
. . . مل ّ حتى من مكانه !
يالله عاد !
انفضي غبار الرحيل ..
وأطعني " صدر البعاد " !
ياهو لاعبّي الحنين ،
هه ! شوفيني حزين : (
ألبسي ثوب الفراق وروحي غيبي ..!
واتركيني عند طيفك لاندهني .." ياحبيبي " !
ولا تجين ..!
قولي مات ..!
قولي عايش بالحياة .. بلا حياة !
قولي جاني في صباح وصار " عصفوري " الحزين !
وطار عصفوري الحزين !!
كان لي في قلبك السالي : مساحة !
جيب لي " راحة " !
هاتي يدينك مابقى لي مواني ..
فيني من اللي راح ، مايخجل الجاي !
ودي معاك ارجع . .
و نرجع ثواني !
ل جروح طابت ، للتناهيد ، ل غناي !
