…
يوم أجازتك بتعمل لزوجتك مفاجأة وتخرجها في مكان هي نفسها تروحه وتعملها اللى هي بتحبه واللى يفرحها
بتقدر تعبها في شغلها وفى شغل البيت وتربية الأولاد وبتثنى على تعبها وبتشكرها وبتظهر إمتنانك لمجهودها وبتحاول تخفف عنها شغل البيت وتشاركها فيه
مراتك كانت صاحية الصبح متضايقة تسألها مالك وتقعد تسمعها ولو لازم تنزل على شغلك ومشغول قوى توعدها انك هتكلمها وإنت فى طريقك للشغل تطمن عليها وتسمعها وتخفف عنها
بتعرف تقسم وقتك بالطريقة الصح وتكون زوجتك أولى أولوياتك ويكون فى وقت كل يوم خاص بيك أنت وزوجتك بس وتبقى عارف أن زوجتك أهم من قعدة القهوة والشات مع أصحابك
وإنت قاعد مع زوجتك بتكون معاها هى وبس بدون موبايلات ولا لعب ولا كلام مع حد غيرها ولما هى تتكلم معاك تركز معاها وتسيبك من التليفزيون والموبايل
حصل خلاف بينك وبين زوجتك تبادر بالصلح وتطييب الخاطر ولو كانت هى اللى غلطانة وصالحتك تقبل فورا وماتسمحش للخصام يكون بينكم أبداً
بتساعد زوجتك فى تربية الأولاد وكتفك فى كتفها فى أى مشوار بتعمله ليها أو للأولاد وبتحسسها بإن ليها فعلا ضهر تتسند عليه
كل ما زوجتك تعمل حاجات بتحبها وتلبى رغباتك وإحتياجاتك بتثنى عليها وبتشكرها على إهتمامها بيك وحبها ليك
كانت زوجتك بالنسبالك أولى حد بفنون العشق والحب والاهتمام وبتعاملها زوجتك بحب وإهتمام قدام أهلها
بتسيب لزوجتك يوم فى الأسبوع وبتقول لها ده يومك يالا بينا نتمشى أو نخرج فى المكان اللى تحبيه
