اقتباس:
المشاركة الأصلية كتبت بواسطة آهــات طــفلهـ
وربـــــــــي هــــــذا واقعنــا والأغلبيـــــــــه هــذا تفكيــــــــرهــم شششغل المــــرآه عيييب المــــــرأه مـالهــا إلا بيتــها إحنــا خــايفــين عــليك من الشششباب ومــن هالكــلام الغــــــــير مقنـــــــع أنــا مــن جــهــة نــظـــــري شششغل المــرآه مــو عييييب بـأي مجــال ليش يحــرمــون مــاأحلــه اللــه يعنـــــــي حــلال عــلى الــرجــال والمــرآه حـــــــرام!!!؟؟:007:
وربــــــــي قمــــــه بالتــخلف اللــــــــــي يقــول كــــــــــذا دام المــــــرآه محتشششمه ومحتــرمه نفسسسها ومحتــــــــرمه المكــان اللــي تششتغل فيـــــه وتششتغــل بالحــلال مو بالحــرام
يعنـــــــي لمــا تمــنع المــرآه مــن العمــل وهــي محتــاجــه لهــذا العمــل أتــريــدونــها تسسسلك طــريق الحــرام لتكــفي حــاجتــها مــثلآ...أم مــاذا؟؟؟!!!
شنــو المــانع لمــــتى هــــــذا التفكــــــير والتخــلف عنـــــــد أغــلب الــرجــال الآن المــرآه مــافــيه فــرق بينــها وبيــن الــرجــل كــلهم مــثل بعض وأغلــب الآحــيان تجـــــــد المــرآه أفضــل مـن الــرجــال بالعمـــــــل نعـــــــم تجــــــد المــرآه تبحــث عـن العمــل بينمــا أغـلب الششباب هالــوقت جـالسسسين ينتظــرون الــوظــيفــه تجيهم عنــــــــد البــاب !!!!!!؟؟؟؟؟؟
أنــا مــع عمــل المـــــــرآآه بـــــــــأي مجــال كــــــان دامــــــه بالحــــــــــلال
يعطـــــــيك العـااااااااااااااااافيــــــــه كـــــــريم عــلى هالمــوضــوع
ياقلبي دحين اللي طلع دا الكلام .. لكن ارجعي للاصل لزمان واوول ايش كان ..؟
كان الشغل للراجل والجمله اللي تنقال الشغل مو عيب دي اصلا للولد مو البنت ..
وبعدين حبيبتي المحترمه لازم تختار شغل محترم مو كاشير مسخره لكل اللي داخل وخارج..!
وبعدين انتي بتقولي تخلف ..!
تخلف عشان البنت لازم تحافظ على نفسها وسمعتها وتبعد عن الاشغال دي
تخلف عشان قالو الاماكن دي عيب للحريم واصلا للرجال ..؟!
تخلف ايش بالله ..؟!
ياقلبي لاتقولي البنت زي الولد .. دا الكلام نهائيا مو عندنا دا ممكن ينقال عند الغرب
او الاجانب زي الشوام والمصاريه ممكن لانه قيمة البنت عندهم زي الولد
لكن احنا هنا ياقلبي كويس انهم مسويين قيمه للبنت ومفرقين بينها وبين الولد
بأشياء كويسه ماحرمو كل شي هما والدليل اهم البنات صرنا نلاقيهم في مستشفيات وفي شركات وفي وسط اختلاط..
لكن هل الدين سمح بكدا ..؟؟ من متى الدين قال خلو البنات يشتغلو في اماكن عامه اختلاط ..؟؟
من متى الدين قال الحجاب او الغطا المتكامل عادي لوكانت البنت تبغى تشتغل في مكان عام رجال داخل ورجال خارج والعيون تفصل فيها .. وقسم بالله دحين اللي لابسه عبايه عالراس مابتسلم .. في بالك دي حتسلم منها
وبعدين حبيبتي .. احنا اللي دحين صرنا نحلل الشغل للبنت ولااصلا البنت مالها الا بيت زوجها بالاخر ودا الصح اصلا ..
ودحين صارو سامحين وقابلين البنات اكثر من الاولاد في حكاية الشغل لكن مو عشان شي .. عشان البنات ممكن يكسبوهم باشياء كتيره لانهم بنات واكيد فاهمه قصدي .. دحين ممكن يدو البنت راتب اعلى من اي موظف معاها ولد .. عشان يبغو البنت تجلس والولد طز فيه ..
ترى انتو اخدين الحكايه دي ببساطه وشايفينها عاااديه .. بس اللي احنا فيه دا غلط
فكري فيها كويس حبيبتي وشوفي الدين وافق بالشي دا ولالا ..
الاسلام اصلا حرم اختلاط المراه بالرجل .. دا شي .. وتاني شي ماقال كل بنت لها الحريه في الشغل تشتغل كاشير ولا توقف في الاستقبال في مستشفى
لاتقولي محترمه .. الناس ماتعرف محترمه ولالا المهم الدين والاسلام ايش قالو
انتي تشتغلي وتتعبي بالاخر ربنا غاضب عليكي .. وكمان غير كدا شوفي الذنووب اللي تجيكي لمن واحد يفصلك بعيونه من فوق لتحت.. في بنت ترضى الشي دا لنفسها..
لاناخد الامور بسهووله لازم نفكر فيها قبل كل شي قبل مانفكر نتكلم لازم نفكر في كل اللي حولينا مستحيل تاخدي الموضوع ببساطه وتحكمي بدون ماترجعي لعاداتنا وتقاليدنا وغير { ديننا واسلامنا }
والاسلام ماحرم شي الا وكان فيه ضرر علينا.. يعني الشي دا في الاصل غلللللط ..
انتي حطي نفسك في مكان اللي بتشتغل في الكاشير دي وشوفي ايش تحسي
حتحسي بأمـآن وقتها وانتي واقفه والرجال ماليين المركز حولينك ..؟؟!
يعني ممكن تروحي ضحيه في ثواني في لمحة بصر .. وبعدين نندم ونرجع نقول صح وصح .. وبعدين ياقلبي احنا دايما نقول البنت عندنا سمعتها اهم شي ..يعني ..؟! يعني مافي ولد يرضى ياخد ولايتزوج وحده تشتغل في اماكن زي دي
انواع المسخره فيها .. وربي فيه بنات عبي عالراس ويرقمو ويتعاكسو ويتآذوو
ماتبغي اللي بالغطوه ولاالنقاب تتآذى وعيونها محدده ماشاءالله وعبايتها تلمع وواقفه
شي ملفففففففففففت اصلا وربي شي ملفت بقوه ..
لازم نفكر بكل شي ممكن يجي من الشغلانه دي وقبل مانشوف المنفعه نشوف الضرر والاشياء السيئه اللي ممكن تجي منها ياقلبي:wink:
..