في قهوه على المفرق|عآطف الحربي~
أصبح وهي بين الظما والمواعيد
.............. وامسي وانا قد طاح حظي وحيلي
واللـه.. لو مالي معاهم ( فم ) و ( إيد )
.............. لـ امووووت ياعبدالجليل الرحيلي
الحياة اغصان.. شف عاد انت كم لك غصنٍ اخضر
لو بقا بك شي من عمر وحكايات الطفوله
.
وجهك الليله يقربني من الانسـان اكثر
حزنك الليله يحدثني عن الدمع وفصوله
.
لو سكتّ ومارضيت تبوح عن مابك وتجهر
ريحة الذكرى تفوووح بكل ماودي تقوله
.
اذكرك والوقت مثل الحلم واجمل منْه وابهر
تركض بعمرك هنا وهناااااك ماتخشى ذبوله
.
واذكرك بالطيش تسبقني وتتمادى وتفخر
وانت في بالك تعلمني مفاهيم الرجوله !
.
واذكرك واوراقنا ماقد غزاها اللون الاصفر
تكتب وتشطب حروف الحب واحلامك خجوله
.
واذكرك والحاره ام الناس لمّا تنام .. تسهر
كان للاسرار في صوتك دفااا له كنت اولـه
.
واذكرك ومغازَل البيبان ..ماتقدر وتقدر
في حياك وفي جنونك شي انا مـ اقدر اطوله
.
واذكرك نادمتني ليلة قصيد وكنت الاشعر
ليلةٍ مرّت سنين اعمارنـا فيها عجوله !
.
واذكرك والذكريات اغلى هدايا العمر واطهر
كم تركت بقلبي الدنيا من الحب امغسوله !
.
السنين اتشيب والايام تركض وانت تصغر !
كنك اللي ماعرف يكبر وخان الكلّ حوله
.
منْك روحي لو لمست اطرافها بالشعر وامطر ..
طاح منها كل ماودي وماودك نقـوله
.
ذكرياتك (عُمْر) كم فيها حيااااة وطفلٍ اسمر !
كل ماغمضت في قلبي عليها .. صوتوا له
.
والحياة اغصان شف كم لك وكم لي غصنٍ اخضر
لو بقت فـ ارواحنا (ضحكه) من ايام الطفوله
مثلي مثل غيري قريت
كان الخبر : موتي !
نسيت مدري مانسيت
ياصمتي ياصوتي ..
.
يفيض البحر ويغرّق الناس يافواز
ويفنى الكلام وصاحبه يسدل استاره
.
مثل كل مرّه .. يرجع الخايب ولافاز
خليّ اليدين وتتبعـه خيبة اسفـاره
.
مثل كل مرّه .. ياسلامي على اهل الغاز
كثر مارصيدي يشتكي وحشة اصفاره !
.
مثل كل مرّه .. لاتغنّي ولا تعتـاز
ابونا كريم وعنْ كرمْه اسألوا جاره !!
.
مثل كل مرّه .. لوّنوا بالكلام انجاز !
وخذ كم سمعنا عن مشاريع ثرثـاره !!!
.
ألا ياصديقي ليت لي فـ الحجاز .. حجاز
تعبنا نسافر .. والسفر تعرف اسراره
.
عزاز انخلقناْ ولين مـ احنا نموت اعزاز
سلامي عليك .. ورحمة الله على الحاره
.
صدور الجرايد تختنق والخبر بـ ايجاز ..
كأنه يدق براسي الصلب مسماره
.
كسور الخواطر سيدي ماتبي عكاز
تبي من يجدد للأمل ضحكة ازهاره !
.
يشيب الزمان .. وياسلامي على اهل الغاز
وانا اقصى طموحي .. بيت ملكٍ وسياره !!
اعتقيني من ظنونك وخليني هنيّـا
وارحلي .. لو بعْدك الوقت تهجرني فصوله
.
وحدتي : جنّه
(مدام الكتابه في يديّـا)
وموتي : ابـ شي ٍ على البال مااقدر اقوله
.
سامح الله طيبة القلب ياطلق المحيّا
يومها خلّت عيوني .. عن عيوني خجوله !!
.
في المرايا كلّ ماشفت دمعي لي تهيّـا ..
استحيت وقلت هذا شبيهي في البطوله
.
انكساري خلف الايام .. لو بَرضَاه .. عيّا
يومها ع الذلّ عيّت مفاهيم الرجوله
.
ايه اخافك مثل مآخاف من نفسي عليّا
وانتي اقرب (خوف) عشته من ايام الطفوله
.
سافري .. وان عاد قلبي لك ورحّب وحيّـا
في سما النسيان طشّي وراك اللي يقوله
.
الجروح فـ بعض الاحيان تاخذها الحميّـا
"والكتابه جرح" .. قد ايش جرحي بالسهوله !
.
من متى كنتي لمثلي .. ومثلك كان ليّـا
المسافه بيننا عمْر ماينقـاس طوله
.
سامحيني .. بعض الاحلام ماتكبر كذيّا
والحياة اثمن والايام في عمري عجوله
.
مابقا بي (شِعْر) بـ ظلال داعيه آتفيّـا
والنهار اللي تخيّلت .. خلّي لي افـوله
.
والفراق اللي نخافه ليا من قال : هَيّـا ..
له يديني تفتح الصدر وتلبّي وصوله
.
اعذريني ..
ذي جروحي وتاخذها الحميّـا
والا انا ماكان ودّي اقول اللي بقوله !
صوتي اللي صرت احسه من قديم الوقت
لى صافح لساني ..
ماخبرته يجهلك
وانتي الارض الاخيره
والمحطات الاخيره .. والحكايا والبدايات ..النهايات الاخيره
.. والبــــلاد ان صاحت الغربه : هلك !!
والقصيد اللي حكيته .. ماحكاني
وانتي اللي تاخذينه من مكان ليا مكان
ومن زمان ليا زمان .. ليـا ربيعك .. لاضحك بين المحاني
ياسفر مكتوب فـ اوراق العمر
وين السفينه ؟
لما كل الناس تبحر .. هاربه من هالمدينه
لما صوتك ينتظرني بـ آخر دروب المشاوير الحزينه
لما اهرب من غيابك .... واهرب من الخوف
خايف .. خايف اطرق باب مايطلع بـ بابك .. ..
.. واغرق لحالي بحالي ...........
وانتهيك ابلا بحر
وابلا سفينه !
وبين وجهك والسنين
يمتلي الباقي .. حنين
واشعر بـ حريّـتـي واني انا الباقي والارض براحتي ..
لكن سجين !!
آآآآه يـ انتي
ليه احبك بعد ماخنتي .. كثيييير
ليه مـ اقسى ؟!
ماعلى الباقي سلام .. الا عليك
وماعلى قلبي ملام .. ولا عليك
عادتك تقسين ..
وعادتي .... أنسى
وجهي غريب المرايا لو بغيت اسأله ..
.............. عني .. وانا فـ الجواب ادري أببقى وحيد !
زماااااان ياضحكة الاصحاب والمرحله
.............. غبنـا مثل وجهك المشرق و (عيدك سعيد) ..
عطشان في الذكريات.. وكفيَ امبللـه
.............. بـ آآآخر مطر من حكايا ْ امي و (غازي حميد)
ولو يحمل الشعر مابالي تعب يحمله
.............. نثرت عمري على درب الليـالي : قصيـد
لكنها .. لعنة الشاعر ومستقبلــه
.............. انه يعيش الحياة بموتـه ..ومن بعييييييد !
سجنت عمري بالاشعار .. وتركت اجمله..
.............. في هامش الباقيَ من الوقت عايش طريـد
ياطولة البال .. والايام مستعجله
.............. لاطلتي آخـاف .. ماخـاف انتبه للمزيد !
(مشكلتي الصبر) وادري ماهي بمشكله
.............. والصبر قيد الذي حريتـه 1000 قيد !!
اقول ماقول .. واكثر ماعرفت اجهله
.............. إلا ْ اني آحب هذا الشعْـر لو مااريد
واحب صبح ٍ ينادي هالعصافير له
.............. يفتح لي ابوابـه ويقفل .. حبيبيْ البعيد !
..
هذا انا .. والقصايد مدبره مقبله
.............. عليّ ماكنها الا ذكريات البليــد
من قلت الاحباب وامطرت المحاني .. ولـه
.............. و اشوفهم في عيون القلب : فجر ٍ بعيــد
وظلـّوا حيارى عطاشى ممتلين اسئلـه
.............. تعايدوا في نهار العيد .. من غير عيد !!
اشتاق للصبح يجمعنا بلا موعد
والحب تصحى لك بقلبي عصـافيره
طفل ٍ وطفله .. بياض ارواحهم يصعد
حد السمـا .. لين ماتمطر من الغيره !
عاطف الحربي ..
رد: في قهوه على المفرق|عآطف الحربي~
وربي ابداااع سطوره صح لسانه
سلمت اناملك
يعجبني انتقائك
لاخلا ولاعدم يارب004:rose:
رد: في قهوه على المفرق|عآطف الحربي~
اقتباس:
سامح الله طيبة القلب ياطلق المحيّا
يومها خلّت عيوني .. عن عيوني خجوله !!
.
في المرايا كلّ ماشفت دمعي لي تهيّـا ..
استحيت وقلت هذا شبيهي في البطوله
.
انكساري خلف الايام .. لو بَرضَاه .. عيّا
يومها ع الذلّ عيّت مفاهيم الرجوله
.
ايه اخافك مثل مآخاف من نفسي عليّا
وانتي اقرب (خوف) عشته من ايام الطفوله
.
سافري .. وان عاد قلبي لك ورحّب وحيّـا
في سما النسيان طشّي وراك اللي يقوله
.
الجروح فـ بعض الاحيان تاخذها الحميّـا
"والكتابه جرح" .. قد ايش جرحي بالسهوله !
.
من متى كنتي لمثلي .. ومثلك كان ليّـا
المسافه بيننا عمْر ماينقـاس طوله
.
سامحيني .. بعض الاحلام ماتكبر كذيّا
والحياة اثمن والايام في عمري عجوله
.
مابقا بي (شِعْر) بـ ظلال داعيه آتفيّـا
والنهار اللي تخيّلت .. خلّي لي افـوله
.
والفراق اللي نخافه ليا من قال : هَيّـا ..
له يديني تفتح الصدر وتلبّي وصوله
صح لسااااانهـ
ماعرفت وش أقتبس كلهاا رووعة بس هالابيات اكثر شي اثرت فيني
تسلمين على ذووقك يآذووق
لاخلا ولاعدم :)
رد: في قهوه على المفرق|عآطف الحربي~
[align=right]
اقتباس:
وربي ابداااع سطوره صح لسانه
سلمت اناملك
يعجبني انتقائك
لاخلا ولاعدم يارب004:rose:
صح بدنك يابعدي 004
هذا من ذوقك يا أكوس نفره :47: 004
اقتباس:
صح لسااااانهـ
ماعرفت وش أقتبس كلهاا رووعة بس هالابيات اكثر شي اثرت فيني
تسلمين على ذووقك يآذووق
لاخلا ولاعدم :)
صح بدنك والاروع حضورك المميز 004
مانحرم 004
[/align]
رد: في قهوه على المفرق|عآطف الحربي~
