اعترافات شاب لشاب [ لكل بنت تكلم .. تعالي ]

بسم الله الرحمن الرحيم



هذا الموضوع وصلني على الإيميل ,, يمكن يكون قديم أو مكرر ,, عاد آسفة لكن أتمنى من المشرفات

تركه لعموم الفائدة ,,

الموضوع منقول من إيميلي زي ما هو من دون أي تعديل أو إضافة ..







******************


السلام عليكم
اول شي ما ابي احلفكم انكم تقروها كاملة وبعدين تحكموا
هل تستحق اعادة الارسال والا لا
قسم بالله ياجماعة ان فيها كلام يهد جبال
شوفوا كيف يفكر الثعلب اللي هو الشاب ... عشان يوصل لضحيته اللي هي البنت



يابنااااااااااااااااااااات خاااااااااصة

ركزوا في الكلام عدل وشوفوا كيف التلاعب على اصوله
وشوفو الابواب والمداخل اللي يستغلها الشباب عشان يوصل لكم
والله انه الشباب يعرفون كل شي ... وراح يوضح في الرسالة
ياااااابناااات ... انتبهوا توثقوا في احد .. مين ماكان ... وايش ماسوى ... ولايغركم الكلام المعسل والحلو ...
والكلام اللي كله حنان ورقة ... لا تثقو ابدا ابدا
ماني مطول عليكم ..... بس اتمنى منكم ومن كل واحد يوصله هذا الايميل
انه يعيد ارساله لكل القائمة اللي عنده حتى لو مايعرف مين صاحب الايميل وبالاخص البنات
وياااااااااابنااااااااات ارسلوووه لكل القائمة اللي عندكم وبدون استثناء
حتى لو امك عندها ايميل ارسلي لها
المهم ما نبي احد يبقى في العالم العربي مايوصله هالايميل وخاصة البنات
وتاكدوا ان كل وحدة راح تهتدي بعد كذا لك اجر فيها
حبيت اكتب هذي المقدمة من عندي لاهمية الموضوع
واسف للاطالة

============ =====

كما وصلني
الرساله هذي سواء وصلت لبنت او ولد بما انو الاولاد في ايميلاتهم
مليون بنت والبنات في ايميلاتهم ملياارات الشباب
بليز اذا تخاف على اعراض البنات بالذات وصلها لكل بنت تعرفوها
ماتدري يمكن بهذي الرساله تنقذ اختك وعرضهاوعرضك


اللهم رد شباب وبنات المسلمين إليك رداً جميلاً واهدهم إلى صراطك المستقيم يارب العالمين ..آمين
السلام عليكم ورحمة الله وبركاته
اعتراف شاب

------------ --------- --------- --------- --------- ------

بهذه الجملة بدأ حواره معي
كنت قد توقفت أمام أحد المقاهي وذلك لشعوري بالنعاس في شارع التحليه الشهير
وعندما دخلت المقهى فوجئت بإحد الشباب فيه الكثير من الوسامة تبدو عليه الأناقة المفرطة يعطي رقم هاتفه إلى فتاة بدون أي إعتبار لأحد من الموجودين قائلا لها بصوت عاليعلى الساعه التاسعة ونص
فاتجهت نحو طاولته وسألته
ممكن أجلس معاك لو سمحت ؟
فقال .. يا أخي إسمع إذا تبغى تعطي نصايح فالجواب ... لا
وإذا تبغى تسولف وتتعرف حياك الله
ضحكت من إجابته التي تدل على الملل الشديد ولكن قلت مافي نصايح ولكن مجرد كلام وعلوم ومنكم نستفيد
فقال إتفضل
قلت هو فقط سؤال بسيط ليه يعني ترقيم وشغل و حركات
فين الإنترنت والبلوتوث يعني مانت ماشي على الموضه...!؟؟
فقال يا عزيزي كلنا ثعالب... و كل ثعلب له طريقه وله هدف
فقلت أنا لي هدف ولكني لست ثعلب فأنا أصل لهدفي مباشرة
فقال لابد أن تقوم بإي حركه أو مناورة حتى تصل لهدفك
فقلت طيب يا ثعلب ما تخاف إن هذه البنت المسكينه تكتشف إنك ثعلب وساعتها تعطيك على رأسك
فقال ما يهم ألقى غيرها الفاضيات كثير وغير كذا .. مستحيل تكشفني " لاحظوا الغرور فيه"
فقلت وليه يا أخي مستحيل تكشفك إذا دخلت قصة حب بتقولك تعال أخطبني قولي وش ردك وقتهاا؟
فضحك ضحكة عاليه وقال باين عليك غشيم طبعا لازم قصة حب هل تتوقع أقول ألو... لو سمحتي ممكن أتسلى بشرفك شويه
رفع ضغطي ولكن مسكت أعصابي
وقلت ما رديت علي وش عذرك لو قالت تعال أخطبني
ضحك مرة أخرىوقال .. أول عذر يا طويل العمر وأشهرهم عذر ..... أكمل
فقلت تكمل إيه
فقال أكمل أي حاجه ... أكمل المدرسة ..أكمل الجامعه ..أكمل المعهد ..لسه ما توظفت ..أكمل الشقه المهر المهم أكمل أي شي ناقص
فقلت إفرض يا ذكي قالت تعال أخطبني وكمل على مهلك كيف تصرفها .. قول
فقال ما قلت لك إنك غشيم ..أهلي...أهلي
فقلت سلامة أهلك
فقال لا .. أهلي مو موافقين لين أكمل

فقلت والله عذر .. لكن إفرض قالت لك أهلك وليش أهلك إنت طفل إما إنت رجال ولا ما إنت رجال تعال أخطبني لو رجال ..
قوللي لو إنت حريف كيف تفك من هذه
فقال أولا.. مافي بنت تقول كذا ولو قالت بسيطه أقولها .. السكر
فقلت وش فيه السكر
أقول .. أمي عندها السكر ما أقدر أزعلها أو أبوي عنده القلب والكلام الفاضي كثير.. يا عمي إنت ما تشوف تمثليات
فقلت لاوالله ما أتابع لكن في أعذار غير عذر أكمل
فقال ياعم الأعذاركثير بس أنا أعطيك أشهرها خذ مثلا .. إذا إنت ولد مدلع تقول لازم نتعرف على بعض أكثر مو معقول نتزوج على طول لازم نحب بعض
فقلت الله يخرب بيتك هذا معناه كلام بالتلفون ومقابلات و.. و .. و
فقال طبعا .. أجل أنا معطيها الرقم ليه
قلت طيب غير عذر نعرف بعض فيه غيره
فقال يا أخي أنا قاموس أعذار وحجج خذ عندك مثلا اقولها عمي
فقلت يا أخي ترى قرفتني تعطيني كلمه كلمه ايش تبيني اسويلك جمل مفيده .. مره أكمل وبعدين سكر وشويه أهلي والحين عمي وبعد شوي الخدامه
ضحك وقال يعني أنا خاطبين لي بنت عمي ثم تنهد وقال بصوت رومانسي يحمل الأسى والحزن

إنتي عارفه عاداتنا في الزواج يا منال .. أعطيني فرصة وأنا حتصرف

فقلت لاحول ولا قوة إلا بالله
ثم سألته طيب ياأخي ليه تتنقل من وحده لوحده وليه بنت وحده ما تكفي ؟
فقال يا أخيخلاص ما يصير لها طعم والجديد دائما له طعمه
طيب عمرك شفت وحده تشتري فستان ولو غالي وما تلبس غيره يا أخي اذا المريول إلي هو الزي الرسمي حق البنات تلاقي عندها مريول ثاني كيف عاد بنت جديده وكلام جديد ومواعيد جديده
فقلت طيب فين الحب الأول والكلام الكبير إلي يقولواعليه
فقال وقد غير من جلسته شوف ... اول فتاه لها سحر خاص وأول مكالمه وأول جواب لكن أعطيك مثال شفت الصياد إللي يصيد سمك تلقى أول سمكه صادها فرحان فيها وتلقاه حاطها قدامه طوال الرحله لكن أول ما يوصل
هو بنفسه يحطها في النار وهو أول واحد يأكل منها
والبنات مثل كذا الشباب يدوروا الحب ومع أول بنت أو شاب يقولوا هو هذا الحب لين العلاقة تبردويدوروا حب ثاني وثالث .. وهكذا
فقلت يعني إنت تعترف إن مافي حب بين الشاب والفتاه
فقال أيوا .. حتى في القرآن الله عز وجل يقول
(( وجعلنا بينهم مودة ورحمه ))
شايف مودة ورحمه مو حب ومقابلات

فقلت كلام منطقي ومعقول لكن ليه كل الشباب بدون إستثناء يحبوا يتكلموا عن البنات إلي يعرفوهم قدام بعض .. يعني يفضحوا نفسهم ويفضحوا معاهم البنات
فقال هذه مو فضايح .. يعني إنت لو إشتريت سياره جديده توريها لإصحابك وإلي يبني عماره يوريها لإصحابه وإلي يفوزبمسابقه يعلق الميداليه فرحان بيها وإلي في سننا ماله غير البنات يعني ولد صياد حق بنات لسانه حلو ووسيم ويطيح الطير زي ما يقولوا
فقلت لكن الواحد يفتخر بشي يملكه كيف تفتخر بإنسانه ماتملكها
فقال لا يا حبيبي
أنا أملكها ونص .. يعني أمها وأبوها يقولوا لها لا تكلمي أحد وتكلمني
ويقولوا لا تخرجي مع أحدوتخرج معاي
وأقدر أكلمها أي وقت وأشوفها أي وقت
يبقى أملكها ونص
يا أخي إذا كان ربنا يقول لها لا تختلي بغريب وبتقابلني يعني عصت ربها عشاني
كيف تقول ما أملكها ؟

رفع ضغطي بقوه لكن كلامه صح

فقلت طيب إذا كنت تقابلها أي وقت وتشوفها أي وقت ليه تطلبوا صور وبعضكم يسجل عليهم وبعضكم يصور فيديو والعياذ بالله
فقال هذه ياحبيبي ضمان وإثبات محبه يعني لو كانت تحبك بتعطيك صوره وإذا تحبك أكثر أعطيها تصوير بالباندا والمبتدئين يسجلوا بالتلفون المهم الإقناع
فقلت أي إقناع هذه أعراض وشرف وفضايح كيف تقنعها
فتبسم إبتسامة الثعلب وقال بإسلوب مسرحي رائع لدرجة أنني كدت أنأصدقه ..
هذه أخرتها إنتي ما تثقي في ولا في حبي هذه آخرمكالمه بيني وبينك صدقيني صورك أخذها علشان أحطها قدام عيني أنام وأملي عيني منهاوعمري ما أطالع لوحده ثانيه
ولا خلينا نتصور سوى ... يا غبيه مو إحنا بنتزوج بنتزوج وكلام كثير...

ألف طريقه وطريقه المهم تعرف كيف تضرب على الجرح زي ما يقولوا
فقلت طيب إفرض مثلا ماأعطتك لا صور ولا يحزنون .... بتسيبها ؟
فقال طبعا لا .. أنا صياد والصياد صبور وما يمل

فقلت هنا المشكلة طيب والفضايح إللي بتصير البنات يعني ما يفكروا في الفضايح

فقال عارف إيش المشكله إن كل وحده تقول
أنا واثقه من نفسي وحريصه أو انتوا مو فاهمين والله سلطان غيييير أو أصابع يدك ما هي زي بعض أو أحمد إبن ناس مستحيل يسوي كذا أو ماجد يحبني مره اصلا أنا لو غبت عنه يتجنن .. وكل وحده مستحيل تتخيل نفسها بطلة فضيحه مستقبلا وشوف بنفسك الإنترنت مليان فضايح وكلها بدت بقصة حب

فقلت طيب بعد الفضيحه إيش ذنب المسكينه إلي سلمتك قلبها
فقال أولا أنا بالذات مني حق هذه الحركات هذا حال الدنيا وما أحد ضربها على يدها وقال لها كلمي بالتلفون ولا كانت صبرت لين يجيها نصيبها

سألته قائلا بصراحه لو فيه بنت تورطت بمكالمات وصور كيف ممكن تخرج من دوامة التهديد

فقال مبتسما شكلك تبغى تعرف سر المهنة لكن أقولك وخليها بيني وبينك علشان الشباب ما يزعلوا ... شوف ياعمي
مايرد التهديد إلا التهديد
يعني حتى الولد ما يبغى فضايح.. يعني ممكن تقوله أنا أبلغ أبوي عنك وأخليه يبلغ الشرطه وأكل علقه وحده من أبوي .. ولا أنذل لك طول عمري
أو حتى تبلغ مديرة المدرسة أو الوكيله وصدقني صارت كثير والوكيلة تعرف كيف تكلم أبوه او تكلم مدير المدرسه أوالجامعه أو حتى تكلم الشرطة أو هيئة الأمر بالمعروف بينهم وبشكل رسمي

بس سري ... ومن غير حتى أهلها ما يعرفوا علشان المشاكل والفضايح وأحسن لها المديرة تعرف .. ولا أهلها وجيرانهم وأصحاب الإنترنت كلهم يعرفوا أو حتى تبلغ هيئة الأمر بالمعروف والنهي عن المنكر بنفسها بالتلفون وصدقنيالشرطة وهيئة الأمر إسم يخوف اتخن شنب في الشباب
سألته ... إنت ما تخاف أنشر هذا الكلام وسوقكم يوقف
فقال ضاحكا ... يا عمي والله لو تنشره وتخلي كل بنت تقرأه في طابور الصباح ماحيبطلوا حتى لو .. كم وحده حتبطل .. ميه .. ألف ... خليهم يبطلوا


الباقي نصيبنا معشرالشباب

نظرت إلى ساعتي إنها الثامنه وعشر دقائق ولملمت أغراضي وودعته
فقال على وين رايح .. توالناس
فقلت خلاص صلاة العشاء
فقال لسه باقي على الأذآن عشرة دقائق
فقلت يا دوب أدور مسجد وألحق الصف الأول
فضحك ضحكة عالية جداوقال ...
شفت أنا قلت لك إنت تنظر في الساعه وتخطط تلحق الصف الأول علشان تصيد الأجر .. ما قلت لك ياحبيبي كلنا ثعالب وكل واحد يتفنن فـي صيد الي يبغاه

ضحكت مجاملة له وانصرفت وكلماته ترن فيأذني
ثم تسألت إن نشرت هذا الكلام كم فتاة ممكن ان تترك المكالمات وكم فتاة تبقى من نصيب الثعالب

"ثم تذكرت قوله تعالى
" من يشأ الله يضلله ومن يشأ يجعله على صراط مستقيم"



بنات ياحبايب قلبي
فكري لمجرد دقيقه
بأبوك هذا اللي يمشي قدامك
ولابأمك اللي تدعيلك وتحبك
ولابأخوك اللي مهم ااخطأ يظل سندك بالحياة
ولا باختك البريئه اللي بتنظلم عشانك
كيف بالله كيف تهينينهم عشان جرذ ماراح اقول ثعلب لانه بالنهايه خسيس ومكانه بالمجاري
يعني ترضين تحسسينهم بالذل ويمشون طول عمرهم راسهم بالارض
طيب فكري بنفسك وبحالتك
مهما حسيتي انك واثقه بشخص او انك تحبينه
باب بيتكم يوسع جمل ليه مايدقه

فأن قلتي له و طول السالفه ادري انه كذاب
(( ومن ترك شيئاً لله عوضه الله خيراً منه ))

خلك ذكيه وتذكري ابوك وامك بلحظتها
وكيف بتكسرينهم وتهينينهم قدام العالم
لمجرد غلطه !!
وان كنتي عاقلة بتفكري بربك قبل الكل



انشري يمكن ينتفع بها غيرك ويكون لك اجر الهداية
\
الى صاحب الايميل ربي يستر على اهلك
ويستر على كل من اعان على نشر هذا الايميل
لو مااحبكم ماكان رسلتها لكم ؟؟



يووووووووووووووو تعبت و انا اكتب

هههههههههههههههه

التقييم لو قراتو الموضوع

الله المستعان
وربي يصلح الحال
بارك الله فيك

وربي انكـ ابدعتي بالموووووضوع ..
واتمنى من الكل يستفيد من الكلام المكتوووب ..

والله يهدي الجميع ..

http://www.asdaff.com/imgcache2/1590.gif
http://www.asdaff.com/imgcache2/1589.gif

[align=center]
جزاكي الله كل خير ياعسل عالنقل المفيد والرائع


بصراحه ..


كتر الشي دا بقووه حكاية المقابله واكتر شي صار خلوهم بمكان مافي غير هما دا تطور طبعا


ومافي واحد يحب بجد ويرضى للي يحبها انها تكون كدا من اساسه ..!


يعني المفروض مدام تحبها يعني تخاف عليها زي ماتخاف على اختك ماترضى لها اللي ماترضاه لاختك ولو يحبها بجد يتقدم لها علطول ويتم كله قدام الناس والعالم


لكن العاب الشباب عالبنات دي مفهومه ومعروفه وبنسمع عالمصايب دي كل ساعه وكل يوم


لكن لاحياة لمن تنادي .. بعدين انا كيف اصلا اامن لواحد من الاشكال دي على صوري ولاحتى اكلمه جوال من اصله..


الاشكال دي حقت لعب ولافاهمه شي في الدنيا والبنات زي الهبل راميين نفسهم عليهم..


والله كنت اعرف كتير استغرب منهم بقوه الشي دا.. كنت اقولها يابنتي دا يعرف غيرك دا يعني مولعاب..؟!


تقولي دا فريند وصداقه وعادي .. وربي اسكت واطل في البنت واستغرب اللعبه واضحه


في ولد يحب مثلا ويكون صادق ومخلص في حبه ويكلم غيري مثلا وعاملي قروب وشله وغيره


والله اللعب دي واضحه وكفايه اللي بنسمعه دا يفوقك المجنون واللي مايحس


بس اللي مايخاف ربه يعمل اكثر من كدا .. ومستحيل شاب يخاف ربه يعمل في بنات الناس كدا


ومستحيل بنت تخاف ربها ترمي نفسها لشخص تافه وطايش ومايعرف ربه وتقابل شخص وتكون لوحدها مع شخص لايعرف ربنا وماشي في السكه دي..


واصلا مدام ماشي بالسكه دي وربي انه مايخاف ربه وانسان حقير بنظري وماعنده ضمير ولااحساس..


وكل شاب يلعب ببنات الناس والله مردوده ليه في اخواته اذا ماعنده اخوات عنده ام وعنده بنات في عيلته برضو وحيلاقيها فيهم وربي..


ومن الاخر البعد عن ربنا هوا اللي موصل الشباب والبنات للسكه دي .. لانه مافي انسان ولاانسانه تخاف ربها وتعمل المصايب دي وربي..


بس ايش نقول غير الله يهدي شباب وبنات المسلمين يااااااااارب


.
.
.

يعطيكي الف عافيه ياعسل عالطرح الروعه



تقبلي مرووري


..
[/align]

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخير وعافية

لكم خالص احترامي

ربي يعطيك العافيه

ونسأل الله الحمايه

ودي

الله يحمينا ياااااااااااااارب وجميع المسلميين
مع اني مو اول مرة اقرآ الموضووع لكن الكلام أليييم وربي

مشكورة خيتووو ربي يحميك 004

يآسلآم ..

مصآرحه آليمه وصريحه ..


الله يكفينـا شر هآلمصايب يآرب ..

يكفيناا شره
دنيااا تخواف والتعاابين كثيره
اشكرك ع الموضوع