صابني حبكم ارحموا يا ناس,, ذيك الأيام ماني بناسيها
ذقت مر العزاير بغير قياس,, دمعة العين لولاك ما أخفيها
مير أنا أحب والحب ما به باس,, سكةٍ كل الأجيال تمشيها
اكتم السر وأخشى من البلاس,, وأم وجهين والله ما أدانيها
رغبتي في غنوجٍ تكد الرأس,, ليتها تطلب البيع واشريها
حيث فيها من الفن خمس أجناس,, درةٍ من طمع ما يخليها
درةٍ لبسوها الحرير لباس,, ليت عيني ترى من تراعيها
حملوها الجواهر وعقد الماس,, ساطعٍ برقبتها وأياديها
من هواها طيور الهوا بلاس,, بالشوارع قليلٍ تخطيها
دونها الباب والقفل والحراس,,, حذروها وانا ميتٍ فيها
كل ما قلت بسلم من الهوجاس,,,, مال ميزان قلبي بطاريها
خدها ورد وعيونها نعاس,, بأحسن اوصاف ربي مسويها
تتعب الماهر السابح الغطاس,, لو رماها على البعد يخطيها
مما راق لي :1:
