الصورة دى تساوى 35 مليار دولار …
الراجل ابو شعر ده 5 و الكلمة اللى وراه 30 ?
? الإسم : Richard Branson
? السن : 64 سنة
? الجنسية : إنجليزى
? المهنة : ملياردير
? الحالة الإجتماعية : مقضيها
ريتشارد كان أغبى واحد فى المدرسة بتاعته وكان عنده مشاكل كبيرة فى القرائة لدرجه إنه كان بيسقط فى أغلب إمتحانات مدرسته ( الإعدادية ) وعشان كده ابو ريتشارد شاف ان كفاية عليه كده والواد كمان زهق وساب المدرسة والتعليم كله وهو عنده 15 سنة
عاش يا ريتشارد نجاح اعمال smile.png
وهو عنده 20 سنة عمل ستوديو تسجيل أغانى صغير فى لندن وبعد 7 سنين إتحول الاستوديو الصغير ده لأكبر شركة تسجيل فى المملكة المتحدة كلها واللى كان اسمها Virgin Records هو الحقيقة خلال الـ 7 سنين دول كان بيلف المملكة المتحدة كلها على رجله يروح للمغنين يقنعهم إنهم يسجلوا معاه مقابل انه بياخد نسبة أقل من كل شركات التسجيل التانية …
بعد ما نجح و الشركة دى سمعت قرر إنه يستغل كلمة Virgin كبراند معروف ويستخدمها فى مجال تانى والمجال ده كان ” الطيران ” راح خد كل اللى كسبه من شركة Virgin records وإشترى طيارة بوينج مستعملة وحط عليها شعار Virgin وعمل شركة Virgin Atlantic واهتم إنه يقدم جودة طيران مفيش شركة تانية فى العالم بتقدمها وفعلاً خلال 5 سنين كان بينافس أكبر شركة طيران فى إنجلترا اللى هى زى مصر للطيران عندنا كده British Airlines ودى صورة للطيارة : http://goo.gl/DdLWcI
الراجل مستكفاش بشركة التسجيل والطيران وحب يفتح حاجات تانية كثير فعمل أكثر من 40 شركة كلهم بيستخدموا إسم Virgin لدرجة إنه عمل شركة تصميم فساتين أفراح سماها Virgin Brides بس فشلت عشان محدش إشترى منه حاجة If you know what i mean نجاح اعمال 1102469.png
ريتشارد مش عبقرى ولا حاجة بالعكس ده كان حمار هو بنفسه بيقول انه فى أول إحتماع مجلس إدارة ليه مكنش عارف الفرق ما بين الربح وصافى الربح وده اللى خلى واحد من أعضاء مجلس الادارة يشدوا من إيده بره ويشرحله الفرق ما بين الـ Gross و الـ Net Profit فقاله اعتبر البحر ده هو الـ Gross وصافى أرباحك هو السمك اللى انت بتصطاده من البحر وساعتها ريتشارد فهم الفرق …
وده إن كان بيدل على شئ فبيدل على إنك لو فاشل فى حياتك أو فى دراستك Hوعى تزعل أبداً إبتسم و خلى عندك أمل , بس هو الحقيقة كان فيه صفات تانية كثير مهمة على سبيل المثال كان شجاع جداً مبيخافش ياخد أى ريسك ، عنده حب إستطلاع وبيدور على المعلومة فى كل حته ، ومبيزهقش من المحاولة مرة واتنين وتلاتة …
معلومة عالهامش الأستاذ ريتشارد أو السيد ريتشارد أغنى من الملكة إليزابيث ملكة إنجلترا ذات نفسها وواحد من أغنى 50 شخص فى العالم اللهم لا حسد نجاح اعمال biggrin.png
طبعاً إمبراطورية الراجل ده وصلت الدول العربية من خلال
Virgin Mega Stores و Virgin Radio
وليه أكثر من كتاب هتلاقيهم بيتباعوا فى Virgin نجاح اعمال biggrin.png
أول كتاب ألفه كان إسمه Losing My Virginity ” أستغفر الله ”
? ريتشارد النهاردة دخل مجالات زى
الموبايلات : Virgin Mobile
الصحة : Virgin Health Bank
الفنادق : Virgin Hotels
الإعلام : Virgin Media
الإنترنت : Virgin Connect
وغيرهم كثير …
على فكرة ريتشارد اشترى جزيرة صغيرة كده وكتبها باسمه
بيقضى فيها الويك إند بتاعه هو والأسرة الكريمة
مش هحسدوا بقى خلاص كفاية كده ?
اللى يهمنى فى القصة دى انه ساب التعليم
أعتقد لسبب ما والله أعلم إن التعليم مرتبط
إرتباط شرطى بالفقر … نجاح اعمال 1102470.png
دعوة للفشل نجاح اعمال 1102471.png
