...صباح الجرح ياجرحٍ نزف في صفحة الاحزان ..
صباح الحزن ياحزنٍ بوجهي صار له عنوان
تعرّى في ملامحْه وجهلْه اللي يحاكيني
يمر الليل واحزاني تراودني وانا سهران
وصبحي تنجلي شمسه وانا همومي تخاويني
لك الله يازمن يكفي ترا مليت هالكتمان
ترا مليت ضحكاتي بوجه اللي يواسيني
أحاول أخفي جروحي واعايش قسوة الازمان
واذا قالوا عسى ماشر اقول ابداً وانا فيني
وانا احمل داخلي حزنٍ تعدى طاقة الإنسان
قدرت اخفيه وأتْجاهل ندا جروح ٍ تناديني
الا يالله تغفر لي ذنوبي ياعظيم الشان
والا يالله في عفوك عن همومي تسليني
مساء الخير ياجرحٍ نزف في صفحة الاحزان
مساء النوح والصمت الطويل وقسوة سنيني
... مخرج ...
قل للحزن يرفق على وجه الافراح
وقل للصبر ماعدت بالصبر الاوّل
تعبت من جرحٍ نزف سبة اتراح
ومليت من حزنٍ بقلبي تجوّل
