هيييه محمد جيب هذا...
هيييه صديق وين بقاله ....
هيييي فيه شوف اخو انا...ويتم الجواب "مافيه شوف" ويكون الرد ...طيب خلاص روح:confused:
هذي الجمل السابقه وش تدل عليه..!!
اترك الجواب لكم..بعد ما تقرأو الموضوع..
حياكم الله يا فوضويين موضوع اليوم هو عباره عن...
((اللباقه والأخلاق.. والبعض في المجتمع السعودي..))
اي يا فوضويين البعض ما يعتبر اللباقه ولا الاخلاق شيء ضروري ولا يعد من اساسيات التعامل مع البشر...وخصوصا الاجانب يعني ...انا مادري اللي يغلط على العماله الاجنبه سواءً كلام او ضرب وش يحسه فيه..!!
يعني وده ان العالم يحترموه غصب...ولا وده ان العالم يقولوا انت سعودي لازم نحطك فوق راسنا..وانت جالس تغلط علينا...:confused:
بعض المواقف..
يدخل السعودي محل ما...ومعه زوجته طبعا ..وهم في المحل تكون الزوجه معاها اشياء في يدها ويجي البائع في المحل من باب المساعده وعمله يتطلب هذ الشيء..بأن يقدم لها سله علشان تحط اغراضها فيها...يجييييك الزوج من بعيد وعيونه في اقصى راسه ويقول....روووح هناك واذا طلبناك تعال...:007:
يعني بالله وش تتوقعوا من العامل بعد الموقف هذا...يحب ويبوس راسه..!!
فيه شيء اسمه شكرا....تكفي وربي تكفي...
موقف ثاني..
ماشي في الطريق وفجأه سمع صوت سياره من وراها...اووووووووح دورُدب ((حادث بسيط ))
تعتبر دقشه بسيطه...لو كان الصادم من جنسيه ما..((ماراح اقول الجنسيه ))
ينزل السعودي ويحاول يناظر السياره ويشوف اذا فيه امل تتصلح بدون دوريه ..ويتعذر الصادم ويرد المصدوم بكملة "حصل خير":rolleyes:
اما لو كان الصادم من الهند او باكستان ياويله وياسواد ليله..http://www.s1s10.com/vb/images/smilies/n/sm12.gif
اول ما ينزل السعودي ويشوف ان اللي صدمه هندي او باكستاني..
يقول...ايش فيه يا صديق ما فيه شوووف انتا....حمار...مين علمك سواقه...هاه ...مين...
يبغى انا اضرب انتا....وهو ساكت ويحاول انه يعتذر ولكن ما يعطيه وجه..
ليش ما عامل الاول مثل الثاني...؟؟
ليش الاول ملك والثاني من فصيلة البرمائيات..؟؟
انا ابغى اعرف ليش البعض يستحقرهم...ليش...
يعني هو وش ذنبه جاي من ديرته يبجث عن لقمة العيش وتجي انت بدل ما تحترمه وتساعده
تغلط عليه وتهيينه....ولا فوق كذا تبغاه يحترمك...أنى لك هذا..!
ولا علشان عندك بيت وسياره من يوم بلغت ولا عرفت شيء اسمه "فقر" جلست تغلط عليهم..؟؟
الان ...
هل يحصل هذا في المجتمع ولماذا...
هل سبق لك ان تعديت على أي منهم بالكلام او ماشابه..ولماذا
ماذا عنك الان هل تعاملهم بأسلوب المسلم الراقي...او عادي مثل أول
ولك شكري وودي..
