المكونات:
نصف كيلو ورق عنب
وللخلطة هنحتاج:
3 كوب ارز مصرى
7 طماطم
3 معالق كبار صلصة
2 حزمة كسبرة خضراء
حزمة بقدونس
حزمة شبت
ربع كوب زيت بصلة كبيرة
توابل الخلطة:
فلفل اسود-رشة شطة-بهارات-كمون-كسبرة ناشفة
وللتسوية هنحتاج:
2 كوب شوربة فراخ او لحمة
2 ملعقة كبيرة سمنة
الطريقة:
هنسلق الورق بعد مانوضبه ونشيل منه العناقيد ونستبعد الورق اللى مينفعش يتحشى
هنسلقه لمدة اقل من دقيقة عشان ميتقطعش معانا واحنا بنلفه وممكن ننزله فى مياه مغلية ونطلعه
http://i56.servimg.com/u/f56/16/73/51/37/114.jpg
لازم نسيبه يبرد خالص وممكن نحطه فى التلاجه وممكن نسلقه قبل الحشو بيوم وطبعا هنحطه فى مصفاة
وهنحضر الخلطة
هنبشر البصل ونحطه على النار مع الزيت ونقلبهم
http://i56.servimg.com/u/f56/16/73/51/37/213.jpg
وهنضرب الطماطم فى الخلاط ونصفيها ونحطها على البصل لما لونه يصفر لغاية ماتتسبك
http://i56.servimg.com/u/f56/16/73/51/37/313.jpg
هنطفى النار ونقطع الكسبرة والبقدونس والشبت ونحطهم على البصل والطماطم ونقلبهم
http://i56.servimg.com/u/f56/16/73/51/37/412.jpg
ونحط عليهم الرز بعد مانغسله كويس ومعاه التوابل
http://i56.servimg.com/u/f56/16/73/51/37/513.jpg
ونقلبهم كويس ونسيبهم يبردوا وكده الخلطة تبقى جاهزة
http://i56.servimg.com/u/f56/16/73/51/37/613.jpg
وخلطة المحشى دى هى اللى بنستخدمها فى مصر فى جميع أنواع المحاشى والممبار
وهنجيب اى ورقة من ورق العنب اللى سلقناه قبل كده والعروق الخشنة اللى فى الورقة هى اللى هتبقى مواجهة لينا وهنحط عليها الخلطة
http://i56.servimg.com/u/f56/16/73/51/37/712.jpg
ونحط فى اول الورقة كمية الخلطة المناسبة حسب حجم الورقة
http://i56.servimg.com/u/f56/16/73/51/37/813.jpg
وهنطوى جناب الورقة على الخلطة
http://i56.servimg.com/u/f56/16/73/51/37/912.jpg
وهنمسك الخلطة بالورقة ونضغط عليهم واحنا بنلف عشان المحشى يبقى متماسك
http://i56.servimg.com/u/f56/16/73/51/37/1012.jpg
ونكمل لف
http://i56.servimg.com/u/f56/16/73/51/37/1112.jpg
فيه طريقة تانية
هنحط الخلطة على الورقة زى قبل كده وهنطوى الأول الجزء اللى قبل الخلطة يعنى هيكون حوالى ربع الورقة
http://i56.servimg.com/u/f56/16/73/51/37/1212.jpg
وهنطوى عليها الجناب
http://i56.servimg.com/u/f56/16/73/51/37/1313.jpg
ونلف ونضغط واحنا بنلف عشان المحشى يبقى متماسك
http://i56.servimg.com/u/f56/16/73/51/37/1412.jpg
ونكمل لف
http://www.servimg.com/u/f56/16/73/51/37/1512.jpg
مفيش فرق بين الطريقتين غير انكم تختاروا الأسهل بالنسبالكم
وفيه ناس مش بتلف على الطبق بتلف على ايديها طبعا اللى يريحكم
بالنسبة للحلة اللى هنرص فيها المحشى بنحب نحط فى القاعدة الورق اللى منفعش يتسلق وعيدان الورق عشان بيعطوا للطعم حموضة وفيه ناس بتحط بطاطس طبعا بردو اللى يريحكم
http://i56.servimg.com/u/f56/16/73/51/37/1612.jpg
ونرص المحشى بشكل دائرى
http://i56.servimg.com/u/f56/16/73/51/37/1712.jpg
ولازم نسيب مسافة فى الحلة من فوق عشان لسه هنحط الشوربة وحجم المحشى هيتضاعف
بالنسبة للسواء هنسخن الشوربة اللى هنسقى بيها المحشى وقبل مانحط الشوربة هنحط الحلة على النار وعلى وشها معلقتين كبار سمنة ونغطيها ونسيبها على النار لمدة 10 دقايق وبعد كده نحط الشوربة بعد ماتكون غليت وطبعا الشوربة هتغطى ورق العنب ونجيب طبق يكون على قد الحلة ونحطه فوق المحشى والخطوة دى مهمة لأن الطبق ده بيضغط الشوربة مع البخار ويخلى المحشى يستوى كويس
http://www.servimg.com/u/f56/16/73/51/37/1812.jpg
ونسيبه على نار هادية لغاية مايستوى وطبعا كل فترة هنختبر سواه
وممكن بعد مايستوى نعصر ليمونة على الوش بتعطى طعم حلو بس طبعا ده على حسب مانتو متعودين
وده الشكل النهائى
http://i56.servimg.com/u/f56/16/73/51/37/1911.jpg
طبعا انا عارفة ان الكلام ده معظم الستات عارفينه بس زى ماقلتلكم فى البداية موضوعى للمبتدئات مش للمحترفات
وبالهنا والشفا
