بسم الله
و الصلاة على اشرف خلق الله سيدنا و نبينا محمد صلى الله عليه و سلم
زى العنوان ما بيقول الالتزام الاجوف ايه ده هو فيه التزام اجوف اه تصورى
عارفه لما تهتمى بالمظاهر و الزى الشرعى و تتركى الباطن و خاصة القلب مليان حقد و حسد يبقى التزام اجوف
عارفه لما قلبك يتعلق بنظرة رضا من سى السيد و تنسى اللى بيده قلب زوجك يبقى التزام اجوف
عارفه لما تشوفى الغلط و تقولى و انا مالى يبقى التزام اجوف
و غيره و غيره كتيير
طيب ما الناس كلها كده اشمعنى انا بقى اللى التزامى ناقص
و مين قالك يا حبيبتى ان التزامهم كامل هما بردو التزامهم ناقص
لكن السؤال الاهم ايه اللى خلانا وصلنا لكده

أسباب هذا المرض :
1- الوقوع في المعاصي
.2- التوسع في المباحات ؛ في المأكل والمشرب والمركب والملبس وغير ذلك .وذلك لأنه يورث الكسل والركود والتفريط في العبادة
.3- انعدام المجاهدة وإيثار الراحة .
4- اعتقاد أنه ليس بحاجة إلى العبادة ، كأن يفرط في أداء النوافل ثم يقوده ذلك إلى التكاسل في الواجبات ثم تركها
و دلوقتى بعد ما عرفنا اسبابه عايزين نعرف ازاى نعالج نفسنا من المرض الخبيث ده , ازاى نقى انفسنا منه
اول حاجه و اهم حاجه اجتناب صغائر الذنوب
قال رسول الله صلى الله عليه وسلم ( إياكم ومحقرات الذنوب)
يعنى تعملى الذنب و تقولى معلش اصله هين و انا ابقى ازود فى العباده شويه علشان ربنا يغفرلى او تغتابى اخت و تقولى ربنا غفور رحيم
اللى انتى مش واخده بالك منه ان كل مرة بتقولى الكلام ده و ذنب على ذنب يبقى جبل عالى من الذنوب طيب ليه ما نقطع طريقه من الاول
تانى علاج معانااتهام النفس بالتقصير في الطاعات والعبادات
يعنى مش علشان صمت الاثنين و الخميس اعتبر نفسى صوامه و اتكل على عملى و استريح من باقى العبادات لا كده مينفعش لازم اعرف فى الاول ان الصيام ده توفيق ربنا هو اللى برحمته من على بصيام الايام دى و كمان لازم اخلط عملى ده برجاء لله انه يتقبله خالصا لوجهه الكريم
ثالت علاج و اهم علاج فيهم الدعاء
ادعى ربنا انه يوفقك و ييسرلك طريق الطاعه و ياريت نبص فى سير الصحابه و نشوف قطعوا الطريق ازاى و نحاول نمشى على خطاهم
منقول بتصرف