اكبر مشكلة بتزود خناقات الاخوات هى تدخلات الاهل خاصة لما يجوا على الكبير ويقولوا له معلش سيب حاجتك لاخوك
أو على الصغير ويقولوا له معلش اخوك الكبير ...

⬅️مفيش حاجه اسمها احترام بسبب المكانه .
الاحترام لازم يكون متبادل بين كل أفراد الأسرة .

⬅️تانى حاجه نطلب منهم يدخلوا هما الاتنين يحلوا المشكله
لو حلوها مفيش داعى نتدخل .
لو محتاجين تدخلنا يجى كل واحد فيهم ويتكلم وكل طرف يسمع للتانى باحترام ويقوله انا اضايقت من كذا وعايز المرة الجايه تعاملنى بالشكل الفلانى.

⬅️ولو السن أصغر من خمس سنين نسمع كل واحد ونقولهم انتوا اخوات وبتحبوا بعض والغلطان يعتذر ونخليهم يعتذروا لبعض ويحضنوا بعض .

⬅️أما الخناق على الالعاب لازم كل طفل يكون عنده لعبه او لعبتين خاصين به، ملكه هو ويحق له يرفض أن يعطيها لاخوه او يلعب بيها معاه، له الحريه تماما .....
والام متفرضش عليه انه يعطيها لاخوه ونفهم الطفل التانى أن ديه لعبة أخوه، وماينفعش ناخدها منه ومعلش انت عندك العاب كتير تعالى نلعب بيها، ولا نشعر الطفل الاول بالذنب.

⬅️اما باقى الألعاب مشتركه يتعلموا فيها اللعب بالدور .

⬅️اما الالعاب فى وجود أطفال آخرين من الأقارب،
قبل ما يجوا الاطفال بيتم الاتفاق مع اطفالى على بعض الالعاب اللى هيسمحوا بيها مشاركتها مع الأسرة وممنوع الخناق عليها .

✅✅مفيد جدا انه لما الأولاد يتخانقوا مع بعض ويتصالحوا لوحدهم أحييهم واشجعهم زى بالظبط لما كنت هتدخل وهما بيتخانقوا مع بعض .


⚡️⚡️حاجة مهمة فى خناقات الاخوات ⚡️⚡️

🌼لازم الام والاب يعرفوا أنهم قدوة للأطفال فى حل خلافتهم لو فيه ضرب لا قدر الله،
لو احنا بنزعق كمان للاطفال، هيفهموا أن ده اسلوب حل الخلافات .

🌼المدح والتشجيع يكون عادل نعطى كل واحد احتياجاته عشان لا نثير الغيرة بينهم لأن الغيرة أحد أسباب خناقات الاخوات

🌼كمان طريقه تعاملنا فى حل مشاكلنا معاهم يعنى لازم ننمى الحوار معاهم عشان يتعلموا الحوار بينهم وبين بعض.

🌼ولما اغلط معاهم اعتذر وما استكبرش عشان يتعلموا الاعتذار و اخليهم يقدروا كلمه آسف، و يقول لاخوه اسف وانا بحبك...

🌼 كمان حاجه مهمه .. كتاب كيف تفور في مشاكل البكاء و المشادات مع طفلك اللى ناقشنا جزء منه لو التزمتوا باللى هنعمله فيه وتابعتوا الفيديوهات اللى بنعملها ، هنغير سلوكيات كتير فى اولادنا .