#افكار_للمواظبة_على_سورة_البقرة_يومياً
طبعاا مش سهل ان فيه حد يواظب ع سورة البقرة كل يوم 😏 بس فيه ناس ماشاء الله بدأت تعملها كتير ومستمرة الحمد لله 😍
مبدئيا كدة لأي حد هيكون مبتدئ فيها بإذن الله
#اول_فكرة 👇
ممكن تقسمها على ٣ ايام لحد ما تقدر تقرأها كل يوم كاملة باستمرار بعون الله 😍☺??
#تاني_فكرة
ممكن بعد كل صلاة من الفروض تقرأ ١٠ صفحات فيها وبكدة تبقى مواظبة ع صلاة الفروض وف نفس الوقت السورة اتقسمت ع اليوم من غير ما نحس ونبقى ضربنا عصفورين بحجر ☺✋
#تالت_فكرة
ممكن بعد كل صلاة من الفروض تقرأ ٨ صفحات و٨ كمان بعد قيام الليل او مع القيام وبكدة بردو السورة اتقسمت ع اليوم من غير ما نحس ونبقى ضربنا ٣ عصافير بحجر واحد😄☺❤
#رابع_فكرة
ممكن نقرأها عشوائي مثلا لما نكون ف مواصلات او واحنا قاعدين ف البيت مش بنعمل حاجة او ف الشغل وهكذا يعني وبردو هتبقى اتقسمت ع اليوم من غير كا نحس وخصوصا ان اغلبنا ف اجازة الفترة دي 😍
#خامس_فكرة
ممكن تفضي ساعة واحدة بس من يومك سواء بالليل او النهار ويُفضل تكون في الثُلث الاخير من الليل وتقسمها على ٣ مرات كل ١٠٠ اية نفصل بينهم شوية بالاستغفار مثلا ١٠ مرات بصيغة (سيد الاستغفار) او الصلاة ع النبي بصيغة (الصلاة الإبراهيمية) 😍😍
#سادس_فكرة
ممكن بعد كل ١٠ صفحات نفصل بينهم بالدعاء والذكر لله 😍🙌
........
طب معلش عندي سؤال..هو ايه #فوائد_المواظبة_على_سورة_البقرة_يومياً ؟
بسيطة اووووي يا سيدي👇👇
مبدئياً كدة هتشووف العجب ف حياتك والله ومش كلام وعن تجربة 😌
#اول_حاجة
لو دايما قلقان من اي حاجة تحصل او هتحصل ف المستقبل وده بيكون غصب عننا كلنا بيكون عندنا الشعور ده 😔 بتبدل شعور القلق ده باطمئنان فوق الخياااال والله 😍✋
#تاني_حاجة
لو قلبك متعلق بأي حاجة دنيوية غصب عننا بردو...بمواظبتك عليها قلبك هيبقى متعلق بالله وحده لا غير 😍
#تالت_حاجة
بتدفع عنك الشيطان و وساوس الشيطان وبتكون مُحصّن من اي أذى سواء سحر او حسد او مرض حتى ❤✋
#رابع_حاجة
ربنا هينور بصيرتك ويخليك تشوف كل حاجة بإحساسك ف اي موضوع شاغل تفكيرك وازاي تتعامل معاه بطريقة صحيحة 😃✋
#خامس_حاجة
لو مخنوق وفتحت المصحف عشان تقرا فيها فجأة هتلاقي جبل هموم وانزاح من ع صدرك والله ومش كلام وخلاص ده بجد ☺
#سادس_حاجة
هتلاقي استجابة لدعائك بشكل سريع جدااااا جداااا ويقينك بربنا هيزيد اووي
وعن تجربة ع فكرة حصلت معايا شخصيا مرة واتنين وفي انتظار التالتة 😌😌🙌
#سابع_حاجة
بتخلي الرزق يكون اوسع بشكل رهييييييب جدا...لدرجة انك ممكن تكون فيه حاجة نفسك فيها من غير ما تدعي بيها حتى وفجأة تلاقيها بين ايديك من حيث لا تدري كدة 😳
#تامن_حاجة
هتخليك عندك شوف اصلا في إنك تزود عباداتك وطاعتك لربنا بأي شكل من الاشكال سواء بقى "صدقة/ذكر/جبران خواطر" وغيرهم
من الآخر كدة....هتتحول من عبد #مسلم لعبد #محسن بإذن الله 😍
..........
طب معلش سؤال تاني ....
#اشمعنا_سورة_البقرة_بالذات_وايه_السر_اللي_فيها !!
حلوووو ده
اجابة سؤالك اهي يا سيدي👇
١-سورة البقرة فيها ٦ ايات بينتهوا بـ "انه على كُل شئٍ قَدير"
ممكن بعد كل آية من دول تدعي ربك فيهم بالشئ ال نفسك فيه وانتا بتِشهِد ربنا عز وجل هلى قُدرته ال ذكرها في كتابه وان شاء الله الدعاء مستجاب 😉😌☺
٢-سورة البقرة فيها كمية آيات تجلي لله عز وجل كتيرة اووووي وأعظمهم آية الكرسي طبعاا 😍 ال هي أعظم آية في القرآن 😍
٣- سورة البقرة فيها الآية ١٨٦ "وَإِذَا سَألكَ عِبادي عَنِي فإنِّي قرِيبٌ أُجِيبُ دعوَةَ الدَّاعِ إذَا دَعَانِ فَليستجِيبُوا لي وَليُؤمِنُوا بي لَعَلَّهُم يرشُدُونَ"
عااايز ايه انتا حلاوة اكتر من كدة!!
٤- مسابتش ركن من اركان الإسلام غير وكان مذكور فيه شوية تفاصيل عنهُ😍😍 سواء كان عن التوحيد بالله
ولا عن الصلوات طبعااا والحفاظ عليها 😍
ولا عن الصوم في رمضان
والزكاة طبعاااا والانفاق في سبيل الله
والحج كمااان 😍😍☺✋
٥- مذكور فيها اكتر من مُعجزة وآيات بينة حصلت لبني اسرائيل 😍
..ووصية سيدنا يعقوب لأبناؤه من بعده ...وسيدنا ابراهيم لما طلب من ربنا ازاي يشوف انه ربنا قادر يحيي الموتى وغيرهااا كتير 😍
وحااجة اخيرة بقى 😍👇👇
سورة البقرة حروفها ٢٥٥٠٠ حرف !
فرغ نفسك لقراءتها هتكسب 👇
ربع مليون حسنه
و بركتها في استجابة دعائك
وراحة نفسية عجيبة 😍
ملحوظة...عشان تسهلها ع نغسك كتير في القراية مرة عن مرة شغلها ه طول بصوت اي شيخ بتحب تسمعله قبل ما تنام لحد ما تصحى ✋✋