خبز الزبادي على الصاج

[همس الخفوق]

بسم الله الرحمن الرحيم

حياكم على خبز الزبادي على الصاج

روووعه وسهل ولايبي له شغل ولاتخمير وريحته مممم وطعمه حكايه اخرى

وحتى الي ماتعرف للعجين رح تبدع فيه

حياكم مقاديره سهله

وموجوده بكل بيت عجني وفردي واستمتعي بالذ خبز حار وطازج ومنفوووخ

رح اقول المقادير بس تقدرين تزيدها حسب حاجتك وعدد افراد اسرتك

علبتين روب خليها في حرارة الغرفه او حطيها كم ثانيه في المكرويف تدفا

كوب ونص طحين فاخر الكويتي ...بالكوب المعياري

رشة ملح حسب الذوق

وبس ذي المقادير

ابتدي نزلي شوي شوي من الروب على الطحين مع استمرار العجن بيدك

لو احتجتي رشة طحين لجمع العجينه زيدي

وخلاص كوريها ...ملمسها طري وناعمه رح تكون وحريريه...

خليها شوي ترتاح عشر دقايق

وفرديها ..مع شوي طحين

تنفرد بسرعه لانها طريه

في اثناء فردك للعجين سخني صاج او مقلاه على الفرن

هني الخبز على الصاج

قلبته ...مممممم....بدى ينفخ

شوفو شلون نفخ ...مممم

رووووووعه

جناااان وريحته تهبل

وعواااافي عليكم مقدما

[هايمه بذكراك]

يَ لبيه
يعطيك العافيه هموسه:82:
آلباري يسعدكك
تقبلي مروري:34:

[الشامخ]

:tears::tears::tears:

يازين شكله :tears::tears::tears:

اصلا اي شي عالصاج لذيذ :tears::tears::tears:

لو خبز بس يكفي :tears::tears::tears:

ومعاه سمن وكاسة شاي خلااااااص تكفي وبزيادة كمان :tears::tears::tears:



عوااااافي همس الخفوق عالصور :tears::tears::tears:

[سولافه]

والله شكله يشهي بس اي شي بصاج مااتوقع اجربه بيوم :3:
تسلم يدينك ياسكره
يعطيك العافيه 004 :82:

[منارالكون]

ماشاء الله .. شكلها رووووعه

تسلم الايدي يارب

[همس الخفوق]

اسعد الله قلوبكم وامتعها بالخير دوماً
أسعدني كثيرا مروركم وتعطيركم هذه الصفحه
وردكم المفعم بالحب والعطاء
دمتم بخير وعافية
لكم خالص احترام

[غلآتك غير]

عجبتني الطريقة يعطيك العافية

[اوتار الفرح]

روعه الله يعطيك العافيه
تقبلي مروري البسيط
اوتار الفرح