مدري ش قدم هديه كل شي اشوفه شويه !!

[مومهم اسمي]

السلام عليكم ورحمة الله وبركاته


كثرت المواضيع شقدم هديه لزوجي بمناسبه ذكرى زواج او او او
حبيت اجمع لكم كم فكره مع بيان فضل الهديه للكل






... تهادوا تحابوا ...






قالها المصطفى عليه الصلاة والسلام قبل الاف السنين واعطانا صلى الله عليه وسلم المفتاح لقلوب الناس وكسبهم

وهذا ان دل على اهميتها بحياة الانسان طبعا صلى الله عليه وسلم ماقال الهدية لازم تكون بالمبلغ الفلاني ولا من الماركة الفلانيه

حثنا عليه الصلاة والسلام وخصوصا معشر النساء بالهدايا كوسيلة اساسية لكسب قلوب الناس وخصوصا ان النساء مو مثل الرجال

يعني تكثر بيننا للأسف [ الغيره .. الحقد .. الحسد ] فالرسول صلى الله عليه وسلم حب يزيل هالصفات السيئه في اوساط النساء

عن ‏أبي هريرة ‏ ‏رضي الله عنه ‏عن النبي ‏ ‏صلى الله عليه وسلم ‏ ‏قال: "‏يا نساء المسلمات، لا تحقرن جارة لجارتها ولو‏ ‏فرسن ‏شاة"

ومعنى فرسن شاة : وهو العظم قليل اللحم ..

شفتوا كيف اهمية الهديه يعني لاتحقرين الهدية مهما كانت صغيره وبسيطه والرسول عليه الصلاة والسلام ضرب

مثل بفرسن الشاة وهو الشي البسيط يعني مانقول لا عيب هذا مو من قدره .. لا هذي تفشل كيف

بقدمها له.. لا هذا رخيص لو بسأل عن سعره راح يطيح وجهي


لا يابنات طالعوا الاجانب ايش هداياهم كوب شاي .. دبدوب .. اشياء بسيطة بس فرحتهم فيها ماتقدر بثمن

فما بالكم فينا احنا كمسلمين والهدية تعتبر سلوك اسلامي وسنه نبويه سنها المصطفى عليه السلام ..


كان عليه الصلاة والسلام يقبل الهدية من أي شخص كان ويظهر فرحه للشخص المهدى سواء كان

من كبار قريش وكبار العرب ولا اكان اعرابي بسيط ,, ما اعظمك يارسول الله

اللحين هذا الانسان مفكر فيك ومتعني علشانك وجاي لحد عندك ويقدم لك هديه ردة فعلك لازم

تكون قويه حتى لو بالغتي في الفرحه فيها الا انك تردينها للشخص لما يشوفك مبسوطه من هديته

بيحس باحاسيس حلوة انك قبلتي الهدية وآعجبتك ..

لآتبخلوا على الي اهدوكم في ابتسامه بسيطة ..


فيه حكمه مرة اعجبتني وفعلا لو تأملنا الحكمة الغربية كويس بنحصل انها تصور واقعنا ..

[ إذا كان الأصدقاء يتبادلون الهدايا فإن الهدايا هي التي تصنع الأصدقاء ]

ممكن تقولين بينك وبين نفسك ليش بس انا الي اهديه وهو ماقد فكر

فيني الا بالسنه حسنه

اسمحي لي اقولك فعلك بيدك انتي الي مافهمتيه لغة الهدايا وهي تعتبر اسمى لغه واسهل لغه ممكن

الشخص يتقنها

لو حسستيه ببدآية زواجك بأهميه الهديه عندك وقد ايش تنبسطين عليها حتى لو كانت بسيطة

صدقيني راح يظل هالشي

يرسخ في باله .. خصوصآ انو السعوديين مافيهم ذرابه كود ماتقولين له وتلمحين له مليون مره

يالله يلقطها ويفهمها

برضوا بعض الرجال مايهدي زوجته لانو مايعجبها العجب مثلا اهدى لها خاتم وكان مرة مبسوط عليه وتعبان على تغليفه

تجي تفشله تقول : ليش ماقلت لي انا اختاره ذوقك مش كويس على العموم شكرا

ولا تجي الثانيه : ياحياتي شكرا بس بكم ؟ وش فيه هالرخص

ويجلس المسكين طول الوقت يستناها تلبسه الا عمتنا رمته بصندوق مجوهراتها ومالبسته ابدا

تعتقدين بعد هالكلام يفكر يجيب لك شي ؟!

انا لو منه مستحيل اجيب لك لانك انسانه ماتستاهلين ابدا .. ليش ماتحسسينه بفرحتك بالهدية

بيني له فرحتك حتى لو جاب لك وردة وحدة صدقوني الواحد منهم صعب يعبر عن مشاعره مو لأنه

متكبر عليها لا بس ماعنده اسلوب

صحيح كلنا نحتار ايش نهدي ..من شان هيك جبت لكم كم فكره من غير

والشماغ الكبك والابواك <~ حامت كبودهم منها





... آعظم وافخم وآرقــى هديـــــة ...


بكل تأكيد القرآن الكريم " المذهب " مافيه احلى منه كهدية يجي معاه ستاند مخمل مع مجموعة

مساويك وسجآدة صلاة الي فيها عروق العود

ورآح يكون اجرها بإذن الله لك كل ماقرئ فيه او سجد عليه ..



-نجي للهدايا وافكارها

[ ساعه ] لانو الساعه قيمتها

فيها وماراح يرميها راح تبقى معه ودايما الهدايا المميزة تكون ساعات فيه ساعات عمليه وفيه

ساعات فخمه وفيه ساعات ناعمه احنا ماعلينا من هذا كله احنا علينا من ذوق زوجك نشوف

ايش ستايله اذا هو ناعم نشتري له ساعه نعومة اذا هو يحب الفخامه وساعاته دايما فخمه حلو

نقدم له شي فخم ..

من الافضل تشترين له لون يقدر يستخدمه بكل لبس له يعني ساعه لونها اسود او ابيض او ساعه

فضيه او بنيه هالالوان هم الالوان الاساسيه حتى مايحتار باللبس ..



محلات الساعات الي ارشحها لكم [ الدهام : للساعات الفخمه المطعمه بالالماس .. الحميضي:

للساعات الناعمه والكلاسيكيه والساعات تبع البراندز المختلفه .. اون تايم بلس: الساعات الملونه
.. قيس + الشايع : ساعاته رخيصه وحلوة ]

هدية التخرج
- من بعد كرف هالدراسة والاختبارات والتعب احلى شي تحجزين له مساج وسبا باحدى الفنادق ..

- حلو تعزمينه على العشاء باحدى الفنادق ولو حابه يشاركونكم اهله ..
وباخر شي تطلبين من الويتر يقدم التورته بأسمه بحيث تكوني متفقه مع المطعم انو

بعد العشاء يجيبون التورتة وحلو لو تسوين قبعات تخرج ورقيه وتخلين الويترز يجيبهم بسلة

وتلبسونها وهو يقطع التورتة ..






- اذا كان يحب التصوير والتصميم حلو تشترين له كآميرا نايكون .. كآنون من هالماركات

المعروفة بس على شرط تسألين صاحب المحل ايش الاشياء الي تنفع للمبتدئين بحيث يركب العدسة

المناسبه له


... Happy birthday to U ...






هالحفله مالها هدايا معينه واي شي ممكن تقدمينه لو كان قليل وبسيط لانو كل سنه

لكن هذا مايمنع من انو نذكر كم فكرة حلوة ممكن نستفيد منها ..


- تورته تطبعين عليهآ صورتهــ لما كان صغير او تورته تطبعين عليها صورته بشكل كاريكتوري


- بوكس فيه مثلآ كوب شاي علبة شوكولاته من باتشي مثلا عطر ريحته صباحيه فريم صور

- فريم صور كبير وفخم الي يجيك في كرستال وفصوص وحطي

جواتها صورتهـ [صورة له وه صغير وياحبذا لو تكون صورة فنكي تضحك ]



- كوب اطبعي عليه اشهر كلماته [ كل وحد مننا عندها كلمات مميزة ] مثلآ انا دآيما معاي

من جدك .. واااو .. ياحلوها .. اليمه <~ هذي كلماتي المشهورة انتي شوفي كلماتزوجك واطبعيها على

كوب وحطي فيسات





- اذا هو يحب الكتب اعيطه كوبون من مكتبة جرير بالمبلغ الفلاني بحيث يروح ينقي الكتب الي يبيها


- نظارات شانيل او راي بان <~



- اذا كان يلبس نظارات طبية خذي مقاساته وفصلي له نظارات طبيه من ماركة حلوة وراقيه بحيث الفريم يكون غريب ولونه مميز ..

[مومهم اسمي]

طبعا ماننسى اخر شي الهدايا الي من غير مناسبه وهذي تعتبر من اهم واحلى الهدايا والي تبقى في

بال الشخص لانك

اهديتي له من غير مناسبه وهذا دليل على مكانته الكبيره عندك على عكس المناسبات لانو متوقع

الهدايا منك ومن غيرك

- اذا كان عنده ميوله رياضية وراعي لعب كورة وملاعب جيبي بوكس وحطي فيه شوز سبور

وتيشرت ناديه المفضل مع كورة ومجلات رياضية وحلاو مغلف على شكل كورة وحطيهم في بوكس

وغلفيه ..

- جوآل اذا كان جواله قديم مثل آيفون ..


- اذا كان ا زوجك ملتزم حلو تكفلين يتيم او تساعدين في علاج مريض ويكون بأسمه رآح

تنفعه دنيا واخره وراح تكسبين اجره..


- روحي لمحلات الرسم واعطي الرسام صورة زوجك وخليه

يرسمها اما بالفحم او بالرصاص او بالالوان الزيتيه ..


- اذا كان فيه نهائي لفريقه مثل الهلال اشتري له تيشرت الهلال

وكاب الهلال وكوب الهلال مع الاعلام والشالات وغلفيهم ازرق وابيض واذا فاز بالبطولة اعطيه

الهدية <~ اذا مافاز الهلال رجعيهم للمحل..


- فيه مواقع الكترونيه توفر لك كورة موقعه من نجوم فريقة .. اكيد راح ينبسط عليها ..


- اذا كان شخص يحب القرأه والكتب اشتري له ipad ينفعه


- اطبعي صورته على سراميك ملون او على وسادة = مخده صغيرة ...


- شنطة ادوات حلاقة بكل معداتها ..


- اذا كان يحب الاشياء الالكترونيه حلو تمرين هالمحلات واكيد راح يفيدونك اكثر فيه اشياء ماتطري

على البال لكنها مميزه عندهم ولها قيمتها ..


- مسباح الي يجي من الاحجار الكريمة او من خشب السنديان وفيه

الي تجي بالعاج وفيه المسبحه من خشب العود ..


- بيجامه قطنيه مريحة ..


- اذا كان يشتغل بمكتب وشغله ماخذ وقته حلو تهدين له تحف لونها مناسب لون مكتبه وتحطينهم

في بوكس او تنقشين اسمه على تحفه..


- عطر بأسمه من باسم القاسم ..




ولآتنسون آهم شي التغليف ترى التغليف له دور اساسي بفخامة الهدية والمحلات عندنا كثر التراب

وعندهم اشكال وديزاينات وخامات حلوة

صدقوني مهما غلفتيها انتي ماراح تكون بيرفكت مثل المحلات المتخصصه بالهدايا يعني انتي اشتري

الهدية وتكلفتي كمليها وغلفيها عند محل حتى تكون هدية صح !!





ولآتسون هديتي <~ ترى ماتقصد التقييم ابدآ

آتمنى تكون استفدتوا وياليت اذا عندكم افكار هدايا ماتبخلون على خواتكم فيها واعطونا افكاركم

,,

[منارالكون]

شـكــ وبارك الله فيك ـــرا لك ... لك مني أجمل تحية .

[ساحبه عالدنيا]

على الرغم من اني لسى بدري على زواجي بس بصراحه
تعلمت شي مفيد في حياتي بشكل عام يعني الهديه ماهي
بس لزوج حتى أخوانك وبابتك ومامتك 004 004
يسلموا ايديكي موضوع روووووووووووووعة كفيتي ووفيتي

[مومهم اسمي]

يسلمو على تشريفكم وتنويركم للموضوع
لكم جزيل الشكر على مروركم العطر
يعطيكم العافيه