أحلى نكت مصرية
*****************
تم تغيير النشيد الوطني المصرى وأصبح : بلادو بلادو بلادو ..... مصر لحسني وولادو !!!!
**************
سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة
**************
صعيدي طلب يتعين في مجلس الشعب ، قالوله إنت أهبل؟ قال : يعني لازم الشرط ده
**************
صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه
**************
واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش
**************
موجه لغة عربية بيقول للمدرس : ليه العيال بينطقوا الجيم دال ؟ قاله : ماهو ده اللي مدنني
**************
قسم الرجال المصريين عند الزواج: أقسم برب البرية ، أن أكون مطيعآ للولية ، وأن أسلمها المهية ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل في الست دية
*************************************************
حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه
***************************************
صعيدي متعلم حب يفتح حساب في البنك سافر للقاهرة عشان يملا الإستمارة لأنه شاف مكتوب عليها (fill up in
capital)
***************************************
تحطمت طائرة صغيرة تتسع لراكبين فقط فوق أحد المقابر بالصعيد
إخوانا الصعايدة انتشلوا 500 جثة وما زال الحفر مستمراً
************************************
صعيدي بالغلط دخل متحف للفن الحديث
توقف عند أحد اللوحات وسأل أحد المنظمين جنبه
إيه الشكل المرعب ده، هو ده الفن اللي بتسموه حديث ؟
رد المنظم : دي مراية يا أستاذ
******************************
صعيدي فهمان ومراته طلبوا قهوة بأحد المقاهي
بيقوللها : اشربي بسرعة
قالتله : ليه؟
قالها : لأنك جاهلة ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه
*********************************
صعيدي واقف قدام المراية ومغمض عينيه
مراته بتسأله : بتعمل ايه؟
قاللها : بحاول اشوف شكلي ازاى وانا نايم
***************************************
المدرس طلب من التلاميذ كتابة موضوع عن مباراة شافوها في كرة القدم
كل التلاميذ مشغولين بالكتابة إلا عوضين الصغيَر
كتب جملة واحدة وقعد: 'بسبب الأمطار تأجلت المباراة'
********************************
* صعيدي فتح معمل ثلج
سماه معمل الصعيد للمياه الناشفة
************************
* ليه فترة الراحة في الشغل للصعايدة عشر دقايق بس ؟
عشان لو أكتر من كده هنضطر نرجع نعلمهم الشغل من أول وجديد
**************************
* مرة
* صعايدة عملوا مظاهرة........... لبّسوا واحد منهم بوش وحرقوه
* ايه اللى مكتوب داخل أحذية الصعايدة؟
الأصابع أولآ
المفضلات